Kangilinnguit
Kangilinnguit siunissaa oqaluuserineqaqqittoq
Illersornissamut ministeriaqarfiup sakkutooqarfiusimasup ammaqqinniissaa isumaliutigaa
Kangilinnguit sakkutooqarfiusimasup siunissaata oqaluuserineqarnera suli taamaatinngilaq.
Nuummut
Illersornissaqarfiup 2012-mi suliat Nuummut nuuppai. Ukiullu marluk qaangiuttut, Illersornissaqarfiup antennit Kangerlussuarmut nuummagit sakkutooqarfik matuneqarpoq.
Atuaruk: Kangilinnguani antennit qaminneqarput
Illut tamaasa isaterneqarnissaat nunallu iluarsaanneqarnissaa siunertaagaluarpoq. Kisianni sakkutooqarfik ammaqqinneqaratarsinnaavoq, Illersornissaqarfik KNR-imut ilisimatitsivoq.
Tapertatut
Illersornissaqarfik naapertorlugu maanna oqaloqatigiittoqarpoq Kangilinnguit Issittumi sakkutooqarfimmut tapertatut atorneqarsinnaanersoq.
KNR naapertorlugu, soorlu toqqorsivittut ingerlatsinermiluunniit suliassanut annikinnerusunut atorneqarsinnaalluni.