Skip to main content

Kangilinnguani antennit qaminneqarput

Sakkutuut Qullersaqarfiata Kangilinnguani Sakkutuut Imarsiortut sakkutooqarfianni antenneqarfiit qamippai. Taamaasilluni Arsuup Kangerluani ukiuni qulikkaani arfinilinni sakkutooqarfeqarneq tamaanga naavoq

Arsuup Kangerluani ukiuni 63-ini sakkutooqarfeqarneq tallimanngormat naavoq, Sakkutuut Qullersaqariata Kangilinnguani Sakkutooqarfimmi antenneqarfiit qamimmagit. Taamatut paasissutissiivoq Issittup Sakkutooqarfia..

Kangilinnguani Sakkutooqarfik manna tikillugu ingerlanneqarsimavoq, Issittup Sakkutooqarfiata 2012-imi oktobarip 31-anni itaanna atorunnaarsikkaluaraa, Kangerlussuarmi antenneqarfik nutaaq pilersinneqassammat.

– Atortut nutaat maanna inissinneqareerput, misiliinerillu kingulliit naammaginartumik ingerlasimapput. Taamaattumik Sakkutuut Qullersaqarrfiata Sakkutooqarfimmi Kangilinnguani ingerlataa kingulleq qaminneqarpoq, Kangerlussuarmilu annteqarfik nutaaq atulissaaq, Issittup Sakkutooqarfiani tusagassiorfinnut paasissutissiinermullu officeri Thomas Bruun de Neergaard tusagassiorfinnut nalunaarutikkut paasissutissiivoq.

Antenneqarfiup qaminneqarnera pissutigalugu Kangilinnguani ´piareersimasunik´ sulisoqarnissaq pisariaaruppoq, tamaattumillu sakkutuut Bygnings- og Etabllisssementsjeneste-ata maanna sakkutooqarfikoq saliiffigeruarlugu matussavaa.

Qaammat kingulleq imeq, innaallagiaq kiassarnerlu matuneqarput, sulisullu umiarsuarmut akunnittarfimmut inissinneqarput, qaammatillu naanerani sakkutuut kingulliit sakkutooqarfik qimassavaat.

Isumaqatigiinniarnerit ingerlaqqipput
– Tamanna sioqqullugu illut pequtaajarneqarput silamullu anorimullu qularnaarsarneqarlutik. Atortut tamaasa aallarunneqarput, imaluunniit taqqavaneriunut tunineqarlutik tunniunneqarlutilluunniit. Avatangiisinik mingutsitseratarsinnaanermut upalungaartuisoqarsimavoq. Ikummatissat, qalipaatit assigisaallu aallarunneqarput, tassanilu mingutsitsinerit suunersut misissorneqaleruttorpoq, Issittup Sakkutooqarfia paasissutissiivoq.

Sakkutooqarfiup qanorpiaq qimanneqavinnissaa pillugu Namminersorlutik Oqartussat suli isumaqatigiinniarfigineqarput. Taamaattumik arrorsaanerit avatangiisinillu saliineq sakkutooqarfiup qimanneqarnerani ingerlaannaq aallartinneqassanngillat.

– Sakkutuut Qullersaata Bygnings- og Etablissementstjeneste-ata avatangiisit ataavartumik nakkutigissavai saliinissamullu suliumannittussarsiuussissalluni, qanoq annertussusissaa qanorlu peqqissaartiginissaa namminersorlutik oqartussanik isumaqatigiissutigineqareerpat. Tassa Sakkutuut Qullersaqarfiata Kangilinnguit uterfigeqqissavai, saliinissamut piumasaqaatit qulaajarneqareerpata, Issittup Sakkutooqarfia erseqqissaavoq.

Kangilinnguani eqqaassutissat Issittup Sakkutooqarfiata kingulissanut paarissavai.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER