illersornissaq
Kalaallit Nunaat namminersortoq kia illersussavaa
Ane Hansenip Inatsisartut upernaakkut ataatsimiinneranni illersornissaq oqaluuserineqassasoq siunnersuutigaa
Kalaallit Nunaata sakkutuuatut imminut isigaanga, novembarip 21-anni Inatsisartut tunngaviusumik inatsisinut kommissionimik pilersitsimmata Partii Naleqqap siulittaasua Hans Enoksen oqarpoq.
Ullumikkut Kalaallit Nunaata illersorneqarnera oqartussaassuseqarnermillu illersuinera naalagaaffeqatigiinnit isumagineqarpoq, taamaattumik namminiilivikkutta aaqqiissutissamik allamik nassaarsiussaagut.
- Imaanngilaq sakkulersorniassasunga, tamatumuunakkulli nuna sullinnissaanut pisussaaffilerneqarpunga, Hans Enoksen nassuiaavoq.
Atuaruk: Issittumi sakkutuut annertuumik iliuuseqassanngikkallartut
Apeqqutaavorli tamanna naammannersoq.
Tamannali naammanngilaq, Forsvarsakademip pisortaa kontreadmiral Nils Wang oqarpoq.
Nunami maanissaaq Kalaallit Nunaata namminiilivissimasup illersorneqarnissaa oqaluuserineqarpoq.
- Pingaaruteqarpoq oqaluuserissallugu namminiilivinnitta kingorna illersornissakkut qanoq inissisimassanersugut, Inatsisartut Nunanut Allanut Tunngasunut Isumannaatsuunermullu Ataatimiititaliaani siulittaasoq Ane Hansen Sermitsiamut oqarpoq.
Atuaruk: DF-p kalaallit savalimmiormiullu sakkutuujusalersikkusuppai
- Suna pissutigalugu paaserusuppiuk Kalaallit Nunaata illersorneqarnera qallunaat naalagaaffiannut qanoq akeqarnersoq?
- Uagut kalaallit illersornissaq oqaluuserivallaarneq ajorparput, pissutigalugu sorsunneq ajunaarnerillu ulluinnarni atugarinnginnatsigit, piffissanngorporli oqaluuserilissagipput naalagaaffittut namminersortutut illersorneqarneq qanoq ittoq kissaatigineripput, Ane Hansen oqarpoq.
Sermitsiami kingullermi allaaserisaq tamaat atuaruk. Aviisi uani pisiarisinnaavat: