Skip to main content

Juullerpaluttunik tusarnaartitsisut

Juullimut tusarnaartitsisaqattaarnerminnut atatillugu, operamik erinarsortartut Ida Heinrich aamma Josef Lund Josefsen, Aasianni marlunngormat tusarnaartitsipput

Qulliit arlaqanngittut atorlugit katersortarfiup inersua alianaaqqissaannguamik juulerpalaartunngortinneqarsimasoq Ida Heinrich-ip amma Josef Lund Josefsen-ip, pattangiartuatalu, nuuteeqqamik saqqummersitsinerminnut atatillugu angalanerminni, marlunngorneq decemberip pingajuani, tusarnaartitsivigissallugu appakaaffigimmassuk tusarnaariartuulluni pissangaammernarpoq.

Københavnimi Christians Kirkemi organistimik pattattoqarlutik nunatsinni operamik erinarsortartugut akunnerup iluitsup 15 minutsillu missaani juullisiutinik tusarnaartitsinerat alutornangaarmat tusarnerlunilu piffissaq sivikinaarnaannarporluunniit.

Marlunngornerup unnukkuani tusarnaariat siutaat, erinnanik juulllerpaluttunik, iluaavimmik luksusertinneqarput.

- Unnuk ippassarnit qalipaateqarnerusumik festialaarnerulluta ingerlapparput. Erinarsortut sapiisernerullutik takutitsimmata pattangiarnera aamma taamatut ingerlappara. Nuannisaqaagut, neriuppungalu tusarnaartut aamma unnussiorluarsimassasut, Søren Johansen angalaqatigiinni pattattuusoq oqarpoq.

Atuaruk: Juullisiutit saqqummersinneqartut nuannarineqarluartut

Assit takukkit: Kalaallit Københavnimi operettemik erinarsortut

Ida Heinrich aamma Josef Lund Josefsen tusarnaartitsineq naammat cd-nik tuniniaareerlutik oqaatigaat tamarmik nuannisarluarsimallutik.

- Misigisimavunga juulli nalliutilersoq. Katersortarfik una erinarsorfigiuminarnermik assut uanga iluarisimaarpara, taavalu innga orpiliannguaq assut uannut nukissamik tunisivoq, Ida Heinrich oqarpoq.

Tusarnaartitsilluni angalaneq nammineq aaqqissuussarigitsik Josef Lund Josefsenip oqaatigaa.

- Arsummi tusarnaartitsinerput aallarnerparput, maannakkullu Aasianniippugut. Qasigiannguit, Qeqertarsuaq, Ilulissat, Kangerlussuaq, Tasiilaq Københavnimilu patienthotelli aamma tikinnissaat pilersaarutitsinniipput, Josef Lund Josefsen oqarpoq.

Allaaserisap ataani assit pingasut takukkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER