akimasumik tikeraartoqarneq
John Kerry Nunatsinnut tikeraassaaq
Amerikami nunanut allanut ministerip tikeraarnernerani Issittoq, silap pissusaa, Syrien, ISIL, Ukraine aamma niuerneq pillugit suleqatigiinneq pingaartumik sammineqassapput
USA-p nunanut allanut ministeriata John Kerryp Nunarput juulip 16-ani 17-anilu tikeraassavaa.
Taanna nunanut allanut ministerimit Kristian Jensenimit aamma Naalakkersuisumit nunanut allanut susassaqarfinnut akisussaasuusumit Vittus Qujaukitsumit (S) qaaqquneqarpoq, ataatsiumut tusagassiuutinut nalunaarummi ilisimatitsissutigineqarpoq.
Atuaruk: Vittus Q: Obamap ataatsimiinnermut peqataanera Nunatsinnut iluaqutaavoq
Suleqatigiiffiusut sammineqassasut
- John Kerryp Kalaallit Nunaannut tikeraarnerani amerikamiut issittumut soqutiginnillutik aallussinerat erseqqissarneqarpoq. USA maannakkorpiaq Issittunut Siunnersuisooqatigiinnut siulittaasoqarfeqartitsivoq, tassani uagut aamma Issittumi innuttaasut taakkualu pisariaqartitaat aallullugit pilersitsiviulluartumik suleqatigiinnerup ingerlaqqinnissaa Kalaallit Nunaanni pingaartillutigu, Vittus Qujaukitsoq oqarpoq.
Tikeraarnermi Issittoq, silap pissusaa, Syrien, ISIL, Ukraine aamma niuerneq pillugit suleqatigiinneq pingaartumik sammineqassapput.
Tikeraarnerup peqatigisaanik apeqquterpassuit Kalaallit Nunaata, Danmarkip aamma USA-p ataatsimoorlutik soqutigisaqarfigisaasa oqaloqatigiissutiginissaannut uagutsinnut periarfissiivoq, tassanilu aamma ilaavoq USA-mik illersornissaq pillugu suleqateqarneq.
Atuaruk: Kristian Jensenip Obama Kalaallit Nunaannut qaaqquaa