Alaska
Kristian Jensenip Obama Kalaallit Nunaannut qaaqquaa
Nunanut allanut ministerip Kristian Jensenip (V) USA-p præsidentia Barack Obama sivikitsumik ilassivaa. Ilasseqatigiinnerminni Obama Kalaallit Nunaannut qaaqquaa
USA-mi præsidenti Barack Obama Kalaallit Nunaaliarnissamut Kristian Jensenimit qaaqquneqarpoq. Issittoq pillugu Alaskami Anchoragemi ataatsimeersuarnermi sivikitsumik ilasseqatigiinneranni Kristian Jensen qaaqqusivoq.
Barack Obamap qaaqquneqarnini toqqaannartumik akinngilaa, eqqarsaalli pitsaasuusoq oqarluni.
- USA-p præsidentia Kalaallit Nunaannut tikeraartuuppat Kalaallit Nunaata, Danmarkip USA-llu suleqatigiinnerat suli pitsaanerulissagaluarpoq, Kristian Jensen Sermitsiaq.AG oqarpoq.
Qujaukitsup Obama aamma ilassivaa
Nukissiuteqarnermut atatillugu Kalaallit Nunaanni qanoq ineriartortitsisoqarsimanersoq præsidentimut aamma paasissusissuusutigissallugu aamma tulluartuusoq oqarpoq.
Naalakkersuisunut ilaasortap Vittus Qujaukitsup Barack Obama aamma sivikitsumik ilassivaa.
John Kerry aamma ilaatigut ilassineqarpoq ullup ilaani, tassani Pituffimmi isumaqatigiissutaasoq aalassassimaarutigineqaqisoq aamma oqaluuserineqarluni.