Angallanneq
Isumaqatigiissutit nutaat paatsiveqartinneqanngillat
Kiffartuussinissamut isumaqatigiissutit nutaat borgmesterinit innuttaasunillu atorsinnaanngitsutut oqaatigineqareersut maanna aamma taakkua sunik imaqarnersut nalornissutigineqalerpoq
Nalorninartullit paatsiveerutsitsisinnaasullu.
2017-imi ilaasunik nassiussanillu assartuussisalernissamut isumaqatigiissutit taamatut nalilerneqarput, Naalakkersuisut siullermik nalunaaruteqarnerattut kiffartuussinissamut isumaqatigiissutit suli isumaqatigiissutigineqavinngitsut paasineqarmat.
Tamanna saqqummerpoq Air Greenlandip pisortaa sisamanngormat KNR-imut oqaluttuarmat teknikkikkut apeqqutit arlallit suli isumaqatigiinniutigineqartut, taamaattumillu kiffartuussinissamut isumaqatigiissutit suli atsiorneqarsimanngitsut.
Aaqqiisoqarnissaanik neriorsuisoq
Aviisimik matuminnga atuartartut tusagassiorfinnillu allanik malinnaasut takusinnaasimasaattut isumaqatigiissutit nutaat 'aalajangersarneqarsimasut' arlalitsigut aalassatsitsipput, tassa innuttaasut sumiiffinnilu politikerit ersissutigimmassuk Air Greenlandip pisussaaffii Disko Linep tigussappagit atugassarisat ajorseriassasut.
Atuaruk: Aluu Airlines: Suli ineriartornermik nutaamik pilersitsisinnavugut
Tamatumunnga minnerunngitsumik pissutaavoq kinguaattoortoqarneratigut ilaasut sumiiffimmi utaqqilluni najugaqarneq namminneq akilertassammassuk.
Angallannermut Naalakkersuisoq Knud Kristiansen sakkortuumik tatineqareerluni erseqqissaavoq ajornartorsiut aaqqiivigineqassasoq. Kingusinnerpaaminngooq decembarimi.
Atuaruk: Tusagassiorfik: Kiffartuussinermut isumaqatigiissutit suli atsiorneqanngillat
Allaaserisaq tamaat AG-mi uani sapaatip akunnerani saqqummertumi atuaruk, uani aamma pisiarisinnaavat: