Skip to main content

Aluu Airlines: Suli ineriartornermik nutaamik pilersitsisinnavugut

Pissutsilli taamaaginnarnissaat Naalakkersuisut akuerisimagunarpaat, Aluu Airlinesimi pisortaq Pele Broberg oqarpoq

- Inuit inuussutissarsiortullu aaqqiissutis­sanik pisariaqartitaannik tunisinnaasima­galuarpavut, namminersorlutik oqartussat sukkanerulaartumik iliuuseqarsimasuup­pata ineriartornissamullu periarfissat eqqar­saatigalugit, ingerlatsiviit pioreersut sunik tunniussisinnaanersut isiginiaannarnagu.

Aluu Airlinesip pisortaa Pele Broberg taama oqar­poq.

Angallannermi ajornartorsiutit iluarsisinnaagaluaraat
Taassuma ilisimatitsissutigaa, Qaasuitsup Kommunia aamma Ilulissani suliffeqarfiit oqaloqatigisimallugit.

– Kuno Fenckerip atorfilittaanik oqaloqatiginninnitsinni Ole Dorph kisimi oqaloqatigisimanngilaa. Ilulissani ingerlatsiviit ornillugit oqaloqatigaavut pisariaqartitaannaat pinnagit, aammattaarli ineriartornissamut pisariaqartitaat pillugit, Pele Broberg oqarpoq.

Ilanngullugulu oqaatigaa kujataanissaaq aammalu nunap sinnerani taamaasiorsimallutik, Qeqqata Kommuniani angallan­nikkut ajornartorsiutit aaqqikkusussima­llugit aamma oqarpoq.

Atuaruk: Aluu Airlines illunik alakkaavoq

Kangianut avammut tuniniaaneq
Helikopterit angisuut avannaani kujataa­nilu atulersimasuuppata Ilulissani Halibut Greenland Qaqortumilu Prime Fisheries, im­maqalu aamma Uummannami qaleralinnik suliffissuartaaq, aalisakkanik nutaanik avammut tuniniaaqataasinnaassagaluarput. 

– Helikoperit angisuut timmisartullu Atlantikoq qulaallugu timmisartuussisarnis­samut pilersaarutivut atorlugit Københavni­mut Europamilu illoqarit pingaarnersaan­nut allanut aalisakkanik nutaanik akunnerit 12-­it inorlugit pilersuisinnaagaluarpugut. Norgep avannaani Polar Seafoodip sulifssuini trucksinik ingerlatsinermit sukkanerusumik, Pele Broberg nassuiaavoq, ilanngul­lugulu oqaatigalugu Japanimut Kinamullu aalisakkanik piumaneqartunik akunnerit 24-­t atorlugit pilersuisinnaassagaluarlutik. 

– Ingerlatat taakkuinnaatinnissaannik periarfissaq atorsinnaanngitsoq aallaavigalugu suliniarsimavugut. Niuerfinnik nutaanik pilersitsiniarluta. Tamatumunngali atortut nutaat pisariaqarput, aammalu tamakkua aallartinnissaannut piffissamik annikitsumik pisariaqartitsilluta. Taamaat­tumik uagutsinnut pingaaruteqarsimaqaaq upernaarli akineqarsimanissarput. 

Allaaserisaq tamaat aviisimi Sermitsiami atuaruk, taanna ullumi pisiniarfinni pisiarisinnaalerpat. Aviisi uani aamma pisiarisinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER