Skip to main content

Inuit Ataqatigiit ataatsimeersuarnissartik kinguartippaat

Covid-19-imik tunillatsissimasut amerliartornerat tunngavigalugu IA-p ataatsimeersuarnissani septemberimut kinguartippaa. Ataatsimeersuarnissap sumiiffissaa aamma nikisinneqarpoq.

Inuit Ataqatigiit siulersuisuunerisa aalajangerpaat partiip nalinginnaasumik ataatsimeersuarnissaa kinguartinneqassasoq illoqarfimmullu allamut nuutsinneqassasoq. Tamassumunnga pissutaavoq nunatsinni coronavirusimik tuniluuttoqarnera.

IA tusagassiorfinnut taama nalunaaruteqarpoq.

Partiip nalinginnaasumik ataatsimeersuarnissaa Qaqortumi 6., 7. aamma 8. august ingerlanneqartussaagaluarpoq. Maannali aalajangerneqarpoq ataatsimeersuarnissaq Nuummi 17., 18. aamma 19. september ingerlanneqassasoq, IA ilisimatitsivoq.

- Taamatut aalajangiinermut tunuliaqutaavoq ullumikkut Covid-19 tuniluunnerata sakkortuseqqanera, killilersuutillu julip naanissaanut sivitsorneqarnera pissutaalluni, IA tusagassiorfinnut nalunaaruteqarluni allappoq.

- Inuit Ataqatigiit pingaartippaat Covid-19-ip ilungersunartorsiortitsinerani akisussaassuseqartumik iliuuseqartuarnissaq inuiaqatigut eqqarsaatigalugit kiisalu pisortat innersuussutaat killilersuutaat ataqqillugit malittuarumagatsigit tunillaassuunnerup minnerpaaffianiitsittuarnissaa anguniarlugu.

Politikkip nukittorsarnissaa sammineqassasoq

Partiip siulittaasua, Múte B. Egede, Sermitsiaq.AG-mut oqaluttuarnikuuvoq nalinginnaasumik ataatsimeersuarnermi partiip anguniagassatut siunniussassaasa kommunini aamma nunami politikkimik suliaqarnermut nukittorsaataassasut. Taamatuttaaq immikkoortortaqarfiit sulinerisa nukittunerulernissaat ukiuni tullerni pingasuni aallunneqarumavoq.

LÆS OGSÅ: Múte: Ileqquusumik ataatsimeersuarneq IA-p politikkianik nukittorsaassaaq
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER