Ilulissani illut arlallit innarlerneqarput
Anorersuup aammalu mallerujussuarnerata kingunerisaanik Ilulissani inunnik ajoqusertoqanngitsoq politiit nalunaarput
Annonse
Illut sisamat eqqorneqarput, aammalu anartarfilerisut illuutaat malissuarnit sikunillu innarlerneqarpoq. Taakku saniatigut Nukissiorfiit imaarsaaviat innarlerneqarpoq.
Ilulissani mallerujussuareersoq politiit tusagassiutinut nalunaaruteqarput, aammattaaq eqqakkat aqqutaat maannamut innarlingaatsiarsimasut ilisimatitsissutigineqarluni.
- Elværkemut imaarsaavik pillugu apeqqutissaqartoqarpat Nukissiorfiit saaffigineqassapput. Eqqakkat aqqutaat pillugit apeqqutit kommunemut saaffiginnissutigineqassapput, politiit nalunaarput.
Inunnik ajoqqusertoqarsimanngitsoq ilisimatitsissutigineqarpoq.