Skip to main content

IA saniatigut qaleralittassiissoqarnerata kingorna: Qilalukkanut qernertanut aamma atuutissaaq

Qeqertarsuup Tunuani aalisartut saniatigut pisassinneqarsinnaappata, Avanersuarmi aalisartunut tamanna aamma atuuttariaqarpoq, Mikivsuk Thomassen isumaqarpoq, aqutsinerlu 'isornarluinnartutut' oqaatigaa.

Qeqertarsuup Tunuani biologit inassuteqarnerat malikkusunngikkaanni, Qaanaap eqqaani qilalukkanut qernertanut tunngatillugu tamanna aamma atuuttariaqarpoq. IA-p Inatsisartunut ilaasortaatitaata, Mikivsuk Thomassenip oqariartuuteqarnerani tamanna eqqarsaatigineqarpasippoq.

Kalaallit Nunaata avannarpasinnerpaartaani piniartut ukioq manna qilalukkanut qernertanut pisassiissuteqarfigineqarnerisa qaffaavigineqarnissaat IA-mi politikerip siornatigut tunngavilersuuteqarfigereerpaa. Qeqertarsuup Tunuani aalisartut saniatigut qaleralittassinneqarnerisa kingorna, piniarnermut aalisarnermullu aqutsineq ’isornarluinnartoq’ oqaatigaa.

LÆS OGSÅ: Qaleralittassat inassutigineqartut marloriaataannik amerlineqartut

- Ajuusaarnartutut isigaaara Avanersuarmi piniartut allamik toqqagassaqaratik inuuniapiloortinneqarnermata illua-tungaani inuussutissarsiutitigut periarfissaqartut allatut pineqarlutik. Naalakkersuisut kaammattorusuppakka qilalukkanik piniarneqarnissaanut agguaariaaseq isumaliutigilluakkamik suliareqqissagaat, taanna tusagassiuutinut nalunaarummi allappoq.

- Ilumoorsinnaanngilarmi piniarnikkut aalisarnikkullu inuussutissarsiuteqartut periarfissaarulluinnartut nunatta ilaani periarfissagissaartitsisoqarnera. Aalisarnermut piniarnermullu inuussutissarsiuteqarnerup iluani naligiinnerusumik periarfissiisarnissaq soqutigissagipput naatsorsuutigaara.

Tamatuma saniatigut piffissaq ungasinnerusoq eqqarsaatigalugu piniarneq Avanersuarmut aaqqiissutissatuaanngitsoq, taassuma nassuerutigaa.

- Ukioq kaajallallugu inuussutissarsiutit aaqqissuussaasumik nappatigineqarsinnaasumillu ingerlanissaat siunertaralugu akisussaasut tamarmik issiaqatigiinnissaat siunnersuutigaara. Oqaloqatigiissutissaqarpugut, uangalu piareersimavunga oqaloqataanissamut.

Aalisarnermut piniarnermullu naalakkersuisup, Jens Immanuelsenip (S), qilalukkat qernertat pisassiissutigineqartut amerlineqarnissaat itigartitsissutigisareerpaa. Nunani tamalaani suliassaqarfimmi isumaqatigiissutinut innersuussinikkut tamanna ilaatigut pivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER