isorliunerusut
IA: Borgmesterit pingasut siunnersuutaat piviusorsiortuunngilaq
Inuit Ataqatigiit isumaqarput pisortat suliffeqarfiutaasa siammarterneqarnissaat oqallisigineqartariaqartoq, tamannalu piviusorsiortumik pisariaqartoq
IA-p siulittaasuata Sara Olsvigip, Nuummi pisortani suliffissat 600-it sinerissamut siaruarterneqarnissaat Qaasuitsup Kommuniani, Qeqqata Kommuniani Kommune Kujallermilu borgmesterinit pingasunit siunnersuutigineqartoq maanna akuleruffigaa.
Oqallinneq pingaartuusoq
-Inatsisartut 2016-imi upernaakkut ataatsimiinnissaannut suliffinnut allanullu tunngasutigut piviusorsiortumik naligiinnissamik aalajangiiffigisassatut siunnersuuteqarniarluta pilersaaruteqarpugut, oqarpoq nangillunilu:
- Oqallinneq pingaaruteqarpoq, ajoraluartumik borgmesterit pingasut oqallissaarutaat tunngavilersorneqarluanngillat piviusorsiortuunatillu tamannalu uggornarpoq.
Avissaartuutsitsisoq
Borgmesterit pingasut naligiinnerulernissamik ataatsimoornerulernissamillu suliaqarniarunik sooq kommunit sisamaasut aaqqiissuteqarniarlutik suleqatigiissimannginnerat tupigusuutigaa.
-Oqallinnermik taamaattumik piviusorsiunngitsumik saqqummiineq avissaartuutsitsivoq kommuninullu ataasiakkaanut, nunatsinnut innuttaasunulluunniit iluaqutaanani, oqarpoq.
Atuaruk: Kattuffiit: Atorfiit 600-t Nuummit nuunneqarnissaat piviusorpalaanngilaq
Sermitsiami saqqummertumi kingullermi allaaserisaq tamaat atuaruk, taanna uani pisiarisinnaavat: