Arctic Circle Race
Assit takukkit: Kunngissaq seqinnarimmi ACR-imi ingerlaqatigiinnermut peqataasoq
Sisamanngornermi ualikkut ujakkaartartut hunnorujulikkaat Taseralimminngaanniik pisarneq malillugu naalagiariarput, Arctic Circle Racep aallartinneqarnera malunnartinniarlugu
Ingerlaaqatigiittut ujakkaarlutik arpattartut 231-iupput, kajumissutsiminnillu ikiuuttut ullumi Sisimiuni aqqusinikkut ingerlaaqataapput.
Arctic Circle Race 2016 kunngissamit peqataaffigineqarpoq, ataatsimullu naalagiaqatigiinnissamut ingerlaaqatigiinnermut peqataavoq, taanna arpannerup sakkortuup aallartinneranut malunnartitsineruvoq.
Kunngissap aallarnermi 110 normoraa.
Seqinnarimmi nallittorsiorneq
Sisimiut ukioq manna ukiut 20-issaannik Arctic Circle Racerfiuvoq.
Ujakkaarluni arpanneq nunarsuarmi sakkortunerpaatut taaneqartarpoq, peqataasut ullut pingasut ingerlanerini 160 kilometerit aqqutikkut maniitsukkut ingerlaartaramikkit, aamma 30-t tikillugit isissinnaasarmat.
Festernermik naammassineqassasoq
Peqataasut aamma tupermi unnuisarput, nerisatik imikkatillu tamaasa namminneq aamma piareersartarpaat.
Ujakkaarluni arpanneq tallimanngornermi aallartissaaq, sapaammilu Sisimiuni festerluni naggataarnersiorneq ingerlanneqassaaq.
Sermitsiaq.AG løjpemi ACR 2016-imi peqataavoq - Arpannermit nutaarsiassat qilanaarisinnaavatit
ACR-imit nutaarsiassat kingulliit:
ACR-imi aallartinnermi isiginnaartut 4.000-t neriuutigai
Sisimiuni nalliuttorsiortoqarnerani seqinnerluni arpaffissaalluassaaq