assit takukkit

ACR-imi aallartinnermi isiginnaartut 4.000-t neriuutigai

Arctic Circle Racemi aaqqissuisut anguniakkatik annertusivaat, ukioq manna timersornermut ataatsimoornermik annertunerusumik tunniussiniarlutik neriuutigaat

Ovinnguaq Berthelsen, talerpilleq, aallartittarfimmi piareersaavoq. Taanna ukioq manna arenami pisortaavoq, suleqataasunik qulingiluanik ilaqarpoq
Sisimiut Tusaataat, højtalerinik piareersaavoq
Sisimiuni aallartiffissaq aamma apuuffissaq
Sisimiut Tusaataat, højtalerinik piareersaavoq Niels Krogh SøndergaardSisimiuni aallartiffissaq aamma apuuffissaq Niels Krogh SøndergaardOvinnguaq Berthelsen, talerpilleq, aallartittarfimmi piareersaavoq. Taanna ukioq manna arenami pisortaavoq, suleqataasunik qulingiluanik ilaqarpoq Niels Krogh SøndergaardSisimiut Tusaataat, højtalerinik piareersaavoq Niels Krogh SøndergaardSisimiuni aallartiffissaq aamma apuuffissaq Niels Krogh SøndergaardOvinnguaq Berthelsen, talerpilleq, aallartittarfimmi piareersaavoq. Taanna ukioq manna arenami pisortaavoq, suleqataasunik qulingiluanik ilaqarpoq Niels Krogh SøndergaardSisimiut Tusaataat, højtalerinik piareersaavoq Niels Krogh Søndergaard

Sisimiuni anoreqarpianngitsumi seqinnarissumi aallarfissaq ukioq manna immikkut pikkunarluinnarpoq.

Aningaasaliisut aamma erfalasut qalipaatigissut takinerupput, aallartarfillu anginerulluni. Arctic Circle Race tallimanngorpat 20-issaanik aallartinneqarpat annertunerulaassaaq.

Aallartiffik silinnerusoq takinerusorlu
Aaqqissuisut ukioq manna arpannermi amerlasuunik pitsanngorsaaniarlutik aalajangersimapput, Ovinnguaq Berthelsen, aallartiffimmi pisortaasoq oqaluttuarpoq.

- Aallartiffik 38 meterinik silissuseqarpoq, tamannalu nalinginnaasumit silinneruvoq. Aallartittarfik maanna 110 meterinik takissuseqarpoq, taanna assaminik ussersorluni oqarpoq.

Isiginnaartorpassuarnik naatsorsuuteqartut
2016-mi ukiunik 20-nik nalliuttorsiornerup kunngissap Sisimiunukarnissaanut pileritsatsippaa. Taassuma peqataasussarpassuit allat assigalugit ujakkaarluni arpanneit sakkortunersaat nalliuttorsiornerani misiginiarpaa.

Arctic Circle Racep ukioq manna naatsorsuutigaa aallartittarfimmi Nalunnguarfiup Tasiani aamma Taseraliup eqqaani isiginnaartut amerlanerusut naatsorsuutigaat.

- Ukiut tamaasa inuit 3.000-t missaaniittarput, Ovinnguaq Berthelsen Sermitsiaq.AG-mut oqarpoq.

- Kisianni ukioq manna 4.000 tikinnissai neriuutigaarput.

Sisimiuni qiimanerujussuaq
Naak illoqarfik 5.572-iinnarnik (kisitsisit 2015-imeersut, aaqq.) innuttaasoqaraluartoq, Berthelsenip neriuutaa eqquunnissaa tupaallannarnavianngilaq. Sisimiormiummi pimoorussisarnerminnut ilisimaneqarput.

Tassunga pimoorussinermut Ovinnguaq Berthelsenip arpannermut ukiut ingerlanerani iliuuserisartagai assersuutit ilagaat.

Lasbilimik ingerlatsisoq pisortaq
Taanna ullumikkut aallartarfimmi pisortatut piffimmi naammassisassat kingulliit piareersaleruttorpai. Taanna Arctic Circle Racemi maanna ukiuni 18-ni kajumissutsiminik suleqataasarpoq.

Ulluinnarni lastbilinik ingerlatsisuuvoq, kisianni ullumikkut, ullunilu sisamani tulliuttuni kajumissutsimik suleqataasut qulingiluat peqatigalugit aallartittarfimmi nukissatik tamaasa nuannisartarlutillu atorpaat.

Toqqit nalliuttorsiornermi ilusilersorneqartut
Arpannerup unnuiffissartaa aamma ukioq manna nutaanit toqqinik aamma anginerusunik pilersorneqarnikuuvoq.

Uani allaaserisap ataani nalliuttorsiornermi ilusiligaq takuneqarsinnaavoq.

Sermitsiaq.AG ACR 2016 arpannermi peqataassaaq - Arpannermit nutaarsiassanut qilanaalereersinnaavutit

ACR-mit nutaarsiassat kingulliit:

Sisimiuni nalliuttorsiortoqarnerani seqinnerluni arpaffissaalluassaaq

Arpattartoq tappiitsoq Sisimiuni 160 kilometerinut piareertoq

Sisoraatinik oqilaniuttartoq ajoquserami sæsonip sinnerani peqataasinnaajunnaarpoq

Powered by Labrador CMS