Sermersooq
Asii: Eqqartuussassanngortitsineq taamaatiinnarneqartoq silatusaarneruvoq
RUC-proffessor Ole Helby Petersenip eqqartuussisunut suliassanngortinneqarnerata taamaatinneqarnera, Kommuneqarfik Sermersuumi borgmester Asii Chemnitz Narupip taperserpaa. - Apeqqut eqqartorparput aammalu isumaqatigiissutigalugu siunertarineqartut eqqortuusinnaagaluartut aaqqiiniarneq taamaattariaqanngitsoq, taanna oqarpoq.
Ole Helby Petersenip eqqartuussivimmut sassaqquneqarnera Kommuneqarfik Sermersuup sisamanngornermi taamaatippaa.
Aalajangerneq kommunip borgmesteriata, Asii Chemnitz Narupip (IA), taperseraa, Kommuneqarfik Sermersooq sisamanngornermi nittartakkaminut allappoq.
- Siorarsiorfiup aalajangiiffiginissaanut tunngavissap kommunimi atorfilittarpassuarnit piareersarneqarsimasoq tamanut pitsaanngitsumik saqqummiunneqarnera aammalu eqqunngilluinnartumik tunngavilerneqarnera kommunaldirektørimit mamiagineqartoq nipaatsumik akueriinnarneqassanngitsoq pingaartippara. Uanga paasinninnera naapertorlugu, kommunimi sulisut arlaannaannulluunniit attuumassuteqanngitsumit tamat takusinnaasaannik isorineqarlutik pineqarnerat Lars Møller-Sørensenip akisussaaffeqarfigalugit qisuariarpoq, taanna erseqqissaavoq.
Eqqortuunngitsoq
- Taamaattoq eqqartuussassanngortitsineq eqqortuusorinanngilaq. Aamma kommunaldirektøri maannakkut taamatut isumaqarpoq, taamaammat eqqartuussassanngortitsineq piaartumik tunuartinneqarpoq, Asii Chemnitz Narup oqarpoq.
Suliap ingerlarnga nassuiaateqarfigineqarnissaa ullumi Siumumit piumasarineqarpoq.
- Paasilluarpara aamma ajunngilluinnarpoq. Tamanna suliaralugu ingerlanneqarpoq, Kommuneqarfik Sermersuumi borgmesteri oqarpoq.
Suliaq pillugu aamma uku atuakkit:
Professorimut eqqartuussassanngortitsineq unitsinneqarpoq