Skip to main content

'Tikisitat annikinnerusumik akileraartinniarneqarnerat akuersaarneqarsinnaanngilaq'

Avataaniit mittarfilioriartortussat annikinnerusumik akileraarusersorneqarnissaannik Naalakkersuisut siunnersuuteqarnerat, SIK-p siulittaasuata Jess G: Berthelsenip sakkortuumik isornartorsiorpaa.

- Uagut ilaasortatsinnit annikinnerusumik tikisitat akileraartinniarneqarnerat akuersaarneqarsinnaanngilaq.

Sulinermik Inuussutissarsiuteqartut Kattuffiani SIK-mi siulittaasoq Jess G: Berthelsen, Naalakkersuisut Ilulissani, Nuummi Qaqortumilu mittarfiliortussat avataaneersuut nunaqavissutuulli akileraaruteqassanngitsut siunnersuutaat pillugu, oqarpoq.

Atuaruk: Pilerisaarut: Mittarfinnut aningaasaliisartunut akileraarut annikinnerusoq

- Aamma allanik suliaqartunut naligiinngitsumik unammilleqatigiittoqalerpoq, tassami paasinarmat siunniunneqartoq allaat tassani sulisussat nalinginnaasumik annikinnerusumik aningaasarsiaqartinniarneqartut, annikinnerusuminngooq akileraassammata. Tamannalu nalinginnaasumik unammilleqatigiinnermik innarliilerpoq, Jess G: Berthelsen tusagassiuutinut nalunaarummi tikkuaavoq.

Siunnersuutigineqarpoq, avataaniit suliartortut isertitaasa 35 procentiinnarmik akileraaruserneqarnissaat. Siunnersuummilu ilanngunneqarsimasoq alla tassaavoq avataaniit suliartortunit akileraarutitigut isertitarineqartut tamarmik nunap karsianut tutsinneqartarnissaat. Akileraarutimmi isertitsissutigineqarsimasut agguarneqarnerini naliginnaasumik kommunit pissarsisaraluarput, uanili taamaattoqassanngilaq.

Atuaruk: Inatsisiliupallanneq: Tusarniaanermi nalunaaquttap akunneri arfineq-marluk ataallugit akissuteqartoqassaaq

Inatsit, mittarfiliortoqarnerani akileraarutitigut isertitarineqartut tamaavimmik nunap karsianut qulakkeerinnittussat, kommuninit uggorineqartoq Sermitsiaq.AG-p ullumi allaaseraa.

Jess G. Berthelsenip neriuutigaa, kommunit tusaaniarneqassasut.

- Taamatut siunniussaqarnermi naatsorsuutigaara Kommuunit isumaqatigiissuteqarfigineqarsimassasut, taanna oqarpoq.

- Nalinginnaasumik suliassanik annertuunik sumiluunniit nunami aallartitsiniartoqartarpoq sapinngisamik sulisinnaasut nunami tassani amerlanerpaat sulisinniarlugit, kisianni maannakkut nunatsinni killormorluinnaq iliortoqarniarsarilerpoq. Tassalu suna tamaat akigalugu mittarfiliorniarneq aallartinniarneqalerpoq, maani nunami sulisinnaasut pilliutigalugit, Jess G: Berthelsen oqarpoq.

Atuaruk: Inatsisissaq mittarfissat aningaasalersorneqarnissaannut qulakkeerinnittussaq

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER