frimærke-fest
Arnaq tusagassiuutilerisoq nersornaaserneqarpoq
Ukioq manna Nunatta juullimut nipitittagaa pingasunngornermi Nuummi saqqummiunneqarpoq. Tassanilu aamma juullip nipitittagaata nersornaasiuttagaa tunniunneqarpoq
Juullip nipitittagaa 2015 pingasunngornermi Katuap inersuaaraani saqqummiunneqarpoq, juullip nipitittagaatalu nersornaasiuttagaa aamma tunniunneqarpoq.
Juullip Nipitittagaani siulersuisut aalajangiisuupput. Ukioq manna juullip nipitittagaa 42-russaanik saqqummersinneqartoq - Nukannguaq Mathiesen-Fontainimit 24-inik ukiulimmit, Nunatsinni eqqumiitsuliornermut ilinniarfimmi 2011-2012-imi ilinniarsimasumit titartarneqarpoq.
Atuaruk: Ukioq manna frimærkit kingulliit takukkit
Arnaq tusagassiuutilerisoq nersornaaserneqarpoq
Juullip nipitittagaata nersornaasiuttagaa inuusuttumut aallarnisaasumut Maren-Louise Poulsen Kristensenimut, atuagassianik arlalinnik saqqummersitsisartumut tunniunneqarpoq.
Nunatta Katersugaasivia ullormi tassani Nuummi immikkut ittumik juullip nipitittagaannik saqqummersitsivoq. Katersugaasiviup frimærkit originalit 19-it saqqummersippai 1979-imiilli juullip nipitittagaata saqqummersittarsimasai.
Aqagu sisamanngornermi Nunatta juullimut nipitittagaata ataatsimiititaliaanit Københavnimi Kalaallit Illuanni saqqummiunneqassaaq.
Atuaruk: Frimærkinit tunisanit sinneqartoorutit Tele-Postip Meeqqat Inuunerissunut tunissutigai
Juullip nipitittagaanik saqqummiussisoqarneranit assit uani ataani takukkit