Skip to main content

Aqqalu Jerimiassen: Aqqaluup aalajangernera ataqqivara

Atassummi siulittaasup erseqqissarpaa partiip iluani avissaartuuttoqanngitsoq, Aqqaluk Heilmannillu partiimit tunuarnera ataqqineqartoq.

- Erseqqissaatigissavara Aqqaluk Heilmannip partiimit tunuarnini nammineq aalajangigarimmagu, uagullu ulluinnarni aqutsisut aalajangernera ataqqigatsigu. Tunuarnerminut tunngatillugu uagutsinnut nassuiaavoq partiimiinnissani tulluartikkunnaarsimallugu, taamaattumillu tunuarluni, Aqqalu Jerimiassen sermitsiaq.ag-mut oqarpoq.

Aqqalu Jerimiassenip erseqqissarpaa partiimi avissaartuuttoqanngitsoq, Aqqaluk Heilmannillu partiimit tunuarnini nammineerluni aalajangernerigaa, tamannalu torersumik pisimasoq.

- Soorunami ajuusaarnaraluarpoq, kisianni oqarsinnaavunga inersimasutut avissaarpugut. Torersumik eqqissisimasumillu oqaloqatigiippugut, partiimi siulittaasoq oqarpoq.

LÆS OGSÅ: Atassutip siunnerfivimminut uternera pissutigalugu ingerlatsinermi siulittaasup tullia Partii Naleqqamut nuuppoq

Aqqaluk Heilmannip tunuarneranut atatillugu partii ingerlatsinermi siulittaasup tullianik ivertitseqqittussanngorpoq. Aqqalu Jerimiassen ilisimatitsivoq ingerlatsinermi siulittaasup tulliata sinniisussaa, partiip aqutsisui ualimut ataatsimiilerpata ikkunneqarumaartoq, kinaaneralu saqqummiunneqarumaarluni.

Sulineq ingerlaqqissaaq

Aqqaluk Heilmannip partiimut allamut nuunnerminut tunngavilersuutigaa Atassummi ilaasortaaginnarnissani takusinnaajunnaarsimallugu, partii naalagaaffeqatigiinnermut akuersaartunngoqqinnerata kingorna. Naalagaaffimmut akuersaartuunermik erseqqissaasoqarpoq partii novemberimi 2019-imi ataatsimeersuareersorlu.

Partiimi siulittaasup erseqqissarpaa partiimi sulineq ingerlaqqissasoq.

Aqqaluk Heilmann Atassummi isumaqatigiissuteqarnini malillugu Inatsisartuni sinniisutut siullertut inissaminit aamma tunuarniuteqarpoq. Avannaata Kommunianili kommunalbestyrelsemi sulinini ingerlatiinnassallugu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER