Air Greenland: Killilersuutit qasukkartinneqarmata ukiumut angusat pitsaanerulerput
Air Greenkandimi angalasut 2021-p affaani kingullermi amerleriarujussuarput. Suliassat aatsaat taama amerlatigimmata, ukiumut angusat pitsaalluinnartutut suliffeqarfimmit nalilerneqarput.
2021 aallartinnera Air Greenlandimut sakkortungaatsiarpoq. Covid-19 peqqutigalugu killilersuuteqartoqarnerani angalasoqarpianngilaq.
2021-lli affaani kingullermi angalasut amerleriarujussuarput, angallassinerillu aatsaat taama atorneqarsimatigalutik.
Tamanna isumaqarpoq Air Greenland Det betyder, at Air Greenland kom ud af året med et årsresultat på 153,6 mio. kroner før skat, hvilket er 121 mio. kroner højere end årsresultatet for 2020, oplyser Air Greenland i en pressemeddelelse.
- Nunatsinnilu pingaartumillu Danmarkimi akiuussutissanik kapuineq ingerlallualermat, angallannernullu killilersuutit qasukkariartornerisa nassataannik ukiup affaani kingullermi timmisartuussisarnerit annertusiartuaartinneqarput.
- Angalasussallu PCR atorlugu tunillatsissimannginnermut uppersarsaammik takutitsinissamik saniatigut akiuussutissamik kapitereersimanermut uppernarsaatitut Coronapas-imik takutitsisartussaalerput. Iliuutsillu tamakku angalanissamut toqqissisimanerulersitsimmata, angalaniartut amerliartorusaalerput, Air Greenland allappoq.
Sulisut ikilisinneqartut
Covid-19 pissutigalugu angallassinnerit ikilimmata Air Greenland 2020-mi sulisuminik ikilisaasariaqalersimavoq. Air Greenland maj 2020-mi nalunaarpoq sulisut 60-it soraarsinneqarsimasut.
Soraarsitsiortornerup kingorna Air Greenland atorfinitsitseqqikkaluartoq, taamaattoq sulisut 202-mut sanilliullugit 2020-mi 5 procentinik ikinnerupput.
Angallattut ikilimmata billetsit aamma akitsorneqarsimapput.
- Killilimmik timmisartuussinissanut pilersaarutit 2021-mi ukiup affaani siullermi aamma atuupput, piffisamilu tassani timmisartuni inissat killeqarnerisa nalaani timmisartunut bilitsit agguaqatigiissillugu 6 procentimik akitsorneqarput. Nunatsinnilu pingaartumillu Danmarkimi akiuussutissanik kapuineq ingerlallualermat, angallannernullu killilersuutit qasukkariartornerisa nassataannik ukiup affaani kingullermi timmisartuussisarnerit annertusiartuaartinneqarput, Air Greenland allappoq.
Billetsit akikinnerit tuniniarneqaleqqittut
Angallannermut killilersuutit atorunnaarnerata kingorna Air Greenland billetsinik akikinnerusunik marlunnik nioqquteqalerpoq.
Billetsi "Takuss" nioqqutaaqqilerpoq, nunatsinniillu Danmarkimut billetsi akikinnerusoq "Fly'n'sleep" aamma nioqqutaalerluni.
Air Greenland tusagassiorfinnut nalunaaruteqarnermini allappoq ukiakkut ukiukkullu aatsaat taama angallattoqartigisimasoq. Ukiup affaani kingullermi angallattoqarnerunerata kinguneranik Air Greenlandip kaaviiaartitai 2020-mut sanilliullugit 154 mio. koruuninik annertuseriarput.
- Ukiup sisamararterutaani kingullermi takornarianut tunisat 33 procentimik qaffapput, tamannalu piffissap takornariaqarnerpaaffiusartup avataatigut nunatsinnut angalasarnerit qaffakkiartornerinut ersiutaavoq, Air Greenland allappoq.
- 2022-mi ukiunilu tulliuttuni Air Greenlandip suliffiutaasalu piffinni assigiinngitsuni takornariaqarnermik sullissisut peqatigalugit takornariaqarnerup piujuartitsinissamik tunngaveqarluni aallunneqarnissaa ilungersuutigissavaa. Aammattaaq nunatsinni Atlantikorlu qulaallugu timmisartornerit akiisa appartinnissaat angorusutanut ilaavoq, tamannali ullutsinni orsussap akiata qaffakkiartornerata ilungersunartissavaa.
Air Greenland A/S maajip aqqarngani 2022 ataatsimeersuassaaq.