Skip to main content

Air Greenland: Suli isumaqatigiinniartoqarpoq

Pisortaaneq oqarpoq Namminersorlutik Oqartussanit aningaasaliissutit nutaat pissutsinik nutaarluinnarnik pilersitsisut

- Suli kiffartuussinissamut isumaqatigiissut atsiunngilavut, isumaqatigiissutimmi imarisaani suli isumaqatigiinniartoqarpoq. 

Air Greenlandimi pisortaaneq Michael Højgaard kiffartuussinermut isumaqatigiissutit pillugit taama oqarpoq.

Avinneri allanngunngitsut
Air Greenlandip oqallisaaqisuni Qeqertarsuup tunuani, kujataani Nuummilu qullersaqarfimmi sulisuni 37-it soraarsippai. Pilersaarutaavorlu piffissami aggersumi suli arfineq pingasut soraarsitaanissaat.

Michael Højgaardip oqaatigaa isumaqatigiissutit avinneri allanngunngitsut, Air Greenlandillu kujataani, Qeqertarsuup eqqaani kiffartuussinissamut isumaqatigiissutit annaasimajuarsinnarpai, Ittoqqortoormiinullu timmisartunik suluusalinnik timmisartuussineq.

Atuaruk: Kiffartuussinermut isumaqatigiissummut 22 millionit saniatigut aningaasaliissutaasut

Suli isumaqatigiinniartoqartoq
- Kiffartuussinissamut isumaqatigiissutinut aningaasaleeqqittoqarneratigut Disko Linep qulimiguulummik ingerlatsinera annertususimaqaaq, taamaattumik pissutsit allarluinnaapput. Tamanna siunissami qanoq aaqqinneqassanersoq Disko Linemik maannakkut oqaloqatigiinnitsinnut pingaarluinnartuuvoq.

Aamma erseqqissarpaa kiffartuussinissamut isumaqatigiissutit suli atsiorneqarsimatinnagit suli isumaqatigiinniartoqartoq:

- Isumaqatigiissummi nalorninartut aatsaat qanittukkut aaqqinneqarmata suli isumaqatigiinniarnerit ingerlapput.

Atuaruk: Kiffartuussinermut isumaqatigiissutit Wæverip kamaatigigai: Mattusersuilluni aaqqiinerit akisuut

Allaaserisaq tamaat Sermitsiami uani sapaatip-akunneraneersumi atuaruk, ullumi pisiniarfinni pisiassaalerpoq. Aviisi uani aamma pisiarisinnaavat:

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER