utoqqalinersiat
Aapparisap isertitai apeqqutaatinnagit utoqqalinersiat
– Utoqqalinersiallit tupasiniutissaminnut aningaasanik aapparminnut qinnuuloortarunnaassapput, kattuffiup siulittaasua Jess G. Berthelsen oqarpoq
Utoqqalilnersiallit suli suliffeqartunik aapparisallit aapparisamik isertitaat apeqqutaatillugit utoqqalinersiaminnik ilanngaavigineqartarnerat ukiorpassuarni isornartorsiorneqartarsimavoq.
Utoqqalinersianik aaqqissuusseqqinneq januaarip aallaqqaataaniit atuutilersoq isornartorsiuisarnerup tamatuma ilarujussuanik atorunnaarsitsivoq.
Ilassilluaraa
Tamannalu sulinermik inuussutissarsiuteqartut kattuffiata SIK-p siulittaasuata Jess G. Berthelsenip ilassilluarpaa.
– Ilaasortatsinnik soraarninngorsimasunik arlalinnik oqaloqateqarsimavunga, taakkualu oqaatigaat, sivisuumik sulereersimalluni utoqqalinersianik tunineqarsinnaannginneq pissutigalugu aapparisap aningaasanik tupasiniutissanik qinnuuloorfigisariaqartarnera nikanarsaatitut misinnarsinnaasartoq.
Atuaruk: Utoqqalinersianut aaqqissuusseqqinneq Naalakkersuisut akuersissutigaat
Ikiliartortinneqartalissasut
– Taamaattumik aaqqissuusseqqinneq ilassilluarpara, soraarninngorsimasut tamarmik aapparisap isertitai apeqqutaatinnagit utoqqalinersianik tunngaviusunik pissarsisinnaalissammata, Jess G. Berthelsen Sermitsiamut oqarpoq.
Tunngaviusumik utoqqalinersiat ukiumut 59.900 koruuniusut utoqqalinersiallip 221.111 koruuninik saniatigut isertitalerneratigut aatsaat ikiliartortinneqartalissapput 340.911 koruuninillu saniatigut isertitaqalernermi atorunaavittassallutik.
Tamanna Jess. G. Berthelsenip pakatsissutiginngilaa.
Sermitsiami allaaserisaq tamaat atuaruk, taanna uani pisiarisinnaavat: