utoqqalinersiat

Utoqqalinersianut aaqqissuusseqqinneq Naalakkersuisut akuersissutigaat

Ukiut soraarnerussutisiaqalertarfiit killingat 2017-imiit ukiumik ataatsimik sivitsorneqassaaq

Assi toqqorsivimmit

Soraarnerussutisiaqalernissamut ukiut maanna 65-iniit 66-inut sivitsorneqassapput. Taavalu 2021-mi sivitsoqqinneqassapput, taamanikkut soraarnerussutisiaqalernissamut ukiut 67-inngussallutik. Naalakkersuisut siunnersuutaat tallimanngormat Inatsisartuni akuersissutigineqarpoq, 2017-imilu ukiortaamiit, januaarip aallaqqaataaniit, atuutilissalluni.

Appartissinnaavaat

Kommunalbestyrelsilli innuttaasunut, ikinnerpaamik ukiuni 35-ini timikkut tarnikkullu tamaviaarnartumik sulisimasunut, ukiut soraarnerussutisiaqalerfissat apparsinnaavaat.

Naalakkersuisut siunnersuumminni siullermi siunnersuutigigaluarpaat 67-inik ukioqarluni soraarnerussutisiaqartalernissaq 2017-imi atuutileriissasoq, naggataatigulli siunnersuutigineqartoq naapertorlugu utoqqalinersiaqalernissamut ukiut ataatsaat 2021-mi qaffanneqassapput.

Powered by Labrador CMS