katinneq
Aappariit suiaaqatigiit maanna oqaluffimmi katissinnaalerput
1. april 2016 aallarnerfigalugu aappariit suiaaqatigiit Kalaallit Nunaanni oqaluffimmi katissinnaalissapput
Aappariit suiaaqatigiit ullumikkuminngaanniit apriilip aallaqaataani oqaluffimmi katissinnaalerput.
Inatsisip nutaap atuutilinnginnerani inuit suiaaqatigiit, katinnissaminnik kissaateqartut taamaallaat aappariittut nalunaarsorneqarnissamik periarfissaqarput. Maanna inatsisip nutaap atuutilerneratigut oqaluffimmi katinnissaminnut periarfissaqalissapput.
Pinngortitamut, Avatangiisinut Inatsisinillu Atuutsitsinermut Naalakkersuisoq Mala Høy Kúkop (A), aappariit suiaaqatigiit aappariit allat assigalugit katissinnaalernerat nuannaarutigaa.
Atuaruk: Ukiuni marlunni utaqqereerlutik: Nunatsinni suiaqatiminoortut katissinnaalerput
Assigiimmik pisinnaatitaaffeqartut
- Suiaaqatiminnik atoqateqartartut katikkusulernerminni suiaaqatigiinngitsutulli periarfissaqalermata nuannaarutigisorujussuuara. Kikkut tamarmik atoqateqartarnermikkut qanorluunniit inissisimagaluarunik pisinnaatitaaffiisa assigiinnissaat uannut pingaaruteqartorujussuuvoq.
Atuaruk: Suiaqatigiit oqaluffimmi katissinnaanngungajalerput