nutaamik ateqalertoq
Aalborgimi Kalaallit Illuat qeqqanut nuuppoq
Jylandip avanaani kalaallinut kulturip illua, ukiuni 37-ini Umanakvejimeereerluni, maajip aallaqqaataani ininut nutaanut nuulerpoq
Niueqatigiinneq maanna naammassivoq, Aalborgimilu Kalaallit Illuata attartornissamik isumaqatigiissutaa naammassivoq.
Kalaallit Jyllandip avannaaniittut maanna assiminnik isumalinnik, Arktiske Husimi nutaami Vesterbro 79-imi maajip aallaqqaataani naapitsisinnaalissapput.
Aalborgimi Kalaallit Illuanni siulersuisuni siulittaasoq Liselotte Terp, nuannaarluni taama ilisimatitsivoq.
Kalaalerpaluttunik aaqqissuussivissaq
Ukiuni arlalinni Arktiske Husimik kissaateqarnerup aamma angusassamik toraagaqarnerup inernera Aalborgip qeqqanut inissinneqarpoq.
Illu maannamut bankisimasoq, Hotel Phønixip eqqaaniippoq.
Atuaruk: Tikilluaqqusinissamut neqeroorut Aalborg Kommunip taamaatiinnarpaa
Atuaruk: Eqqagassat avatangiisinut ulorianartut Aalborgimut
Kalaallit Illuani pisortaq, Søren Stach Nielsen, illu pingasunik qulereeqartoq 736 kvadratmeterisut angissuseqartoq assigiinngitsunik aaqqissuussinernik ingerlatsisassasoq, Sermitsiaq.AG-mut nassuiaavoq.
Illu ataqatigiisitsisuussaaq
- Det Arktiske Hus illu ilisimasat illoraat, tassaniipput Kalaallit Illuat, Arctic Consensus, Arctic Business Network, Arctic Education Network, AAU Arctic (Aalborg Universitet red.)
- Kalaallit Illuat allannguuteqarani ingerlaqqissaaq, uagullu (Aalborgimi Kalaallit Illuat, red.) illumik attartortutut allaqqavugut. Tassanngaanniillu soqutiginnittunut attartornissanik isumaqatigiissutinik attartoqataarusuttunut suliarinnittarpugut.
Utaqqiissaasumik allaffiit
Kalaallit Ågademik kulturikkut katersuuttarfiat Tamassa ingerlaannassaaq, kisianni marsip qaammataanit Det Arktiske Husip maajimi ammarneqarnissaata tungaanut, Kalaallit Illuanni suliffiit ilaat Tamassamiissapput, imigassamik atornerluinermut katsorsaaviup maanna inissisimaffigisaani.