kalaallit danmarkimiittut
Tikilluaqqusinissamut neqeroorut Aalborg Kommunip taamaatiinnarpaa
Kalaallit Aalborg Kommunimut nooqqammersut tikilluaqquneqartarnissaannut ammasumillu siunnersorneqarnissaannut neqeroorut, ukiup sinneranut taamaatinneqarpoq
Aalborg Kommunip kalaallinut nooqqammersunut neqeroorutit arlallit aamma 'ammasumik siunnersuinerit' taamaatippaat - ukiup naaneranut atuukkallartussamik.
Kommuni kalaallit peqatigiiffiinut taama allattoq, Radioaviisimi oqaluttuarineqarpoq.
KNR-imi atuaruk: Tikilluaqqusinissamut neqeroorut Aalborg Kommunep taamaatiinnarpaa
Aalborg Kommunip kalaallinut nooqqammersunut pitsaasumik siunnersuinissartik naammassiuminaatsissimagaat, kommunimit nassuiaasoqarpoq.
Neqeroorutinut aamma takkuttartut ikippallaarsimapput.
Kommuuni isorineqarlunilu paasiuminaannerarneqartoq
Aalborgimi kalaallit peqatigiiffiat Ikerasammi siulittaasup aalajangerneq isornartorsiorpaa.
- Sullissisut sullinniakkaminnik oqaloqateqaraangamik paasinartumik naleqquttumillu saaffiginnittassapput, aaqqiissutaasinnaasunillu pitsaavallaanngitsunik paasiuminaassinnaasunillu ussiataariniartussaanatik, Juusi W. Petersen, neqeroorutit mattunneqarniarnerannut atatillugu ilaatigut taama allaaserisaqarpoq.
Kommuunip kalaallinut nooqqammersunut eqqortumik saaffiginnittanngitsut taanna isumaqarpoq.