suleqatigiinneq
Vittup Anders oqaloqatigaa
Danmarkip nunanut allanut ministertaavanik Anders Samuelsenimik suleqateqarluarnissaq Vittus Qujaukitsup neriuutigaa. KNR taama allappoq
Danmarkimi ukiuni kingullerni nunanut allanut ministerit taarserarneqakulapput.
Vittus Qujaukitsorlu (S) ukiuni marlunni naalakkersuisuunermini pingajussaanik ministerimik nutaamik ilassisaqarpoq.
Liberal Alliancemi partiip siuttuata, Anders Samuelsenip akisussaaffik ippassaq Kristian Jensenimit (V) tiguaa.
Vittumut sianertoq
Ivertinneqarnerullu kinguninngua Anders Samuelsen Vittus Qujaukitsumut sianipallappoq, KNR oqaluttuarpoq.
- Ministerinngortup piumassuseqarnera, tatigeqatigiinnerlu tunngavigalugu Nunatta ammasumik suleqatigerusunneqarnera malugisinnaavara, Vittus Qujaukitsoq KNR-imut oqarpoq.
Atuaruk: Naalakkersuisut toqqammavissaanni Kalaallit Nunaat ilanngunneqartoq
Ataatsimiikkusuttoq
Piffissami qaninnermi taakku ataatsimiinniarlutik isumaqatigiipput.
Vittus Qujaukitsup KNR-imut nalunaarutigaa, nunanut allanut ministerinngortumik suleqateqarluarnissani neriuutigalugu.