danmarkimi naalakkersuisunngortut
Naalakkersuisut toqqammavissaanni Kalaallit Nunaat ilanngunneqartoq
Nunatsinni tunngaviusumik inatsisissaq Pituffillu Danmarkimi naalakkersuisunngortut toqqammavissatut siunniunneqartumi ilanngunneqarput
Danmarkimi naalakkersuisooqatigiilertussat, tassaasut Venstre, Liberal Alliance De Konservative aqagu atsioqatigiippata suliniutit Kalallit Nunaannut sunniuteqartussat aallartinneqassapput.
Naalakkersuisooqatigiilertussammi toqqammavissaanni naalagaaffeqatigiinneq immikkoortortaqarpoq.
Tunngaviusumik inatsit
Naalakkersuisooqatigiilertussat partiit pingasuusut Kalallit Nunaata tunngaviusumik inatsisissaa, ataasinngormat Inatsisartuni akuersissutigineqartoq, ilanngussimavaat.
- Savalimmiuni Kalaallit Nunaannilu tunngaviusumik inatsieqalerusuttoqarnera ataqqivarput. Tunngaviusumilli inatsisaareertumut - Savalimmiut Kalaallit Nunaallu suli tunngaviusumik inatsiseqalertinnagit - naalagaaffeqatigiit ataatsimoorussamik sinaakkutaat inissaqartinneqassasoq naammaginanngitsumillu Savalimmiut Kalallit Nunaatalu naalakkersuieriaatsimi inissisimaffiat qularfigineqalissanngitsoq, naalakkersuisooqatigiilertut toqqammavissaanni allanneqarsimavoq.
Atuaruk: Kalaallit Nunaata Danmarkillu akornanni ajornartorsiorneq
Pituffik
Pituffimmi kiffartuussinissamik isumaqatigiissummi ajornartorsiutaasut ilanngunneqarsimapput.
- Pituffiup Kalaallit Nunaata sinneranut sunniutai akuersaapagut. Kiffartuussinissamullu isumaqatigiissummi ajoqutit Kalallit Nunaat suleqatigalugu aaqqiissutissamik ujartuisoqassaat.
Atuaruk: Aaja Camp Century pillugu isumasioqatigiinnermut pakatsisoq
Camp century
Camp Centuremi avatangiisinut mingutsitsinermik misissuineq ingerlateqqinneqassasoq neriorsuutigineqarpoq.
- Camp Centurymi mingutsitsineq qanoq annertutigisoq paasiniarneqassaaq. Silap pissusianik monitoriineq annertusineqassalluni. Piumasaqaatillu aallaavigalugit pinngortitamut mingutsitsinerup qanoq ingasatsiginera aallaavigalugu misissuisoqassalluni. Killeqarfimmi akorngutit, kalallit Danmarkimi najugallitm nunanilu avannarlermiut piginnaatitaaffii, kalaallinullu susassaqarfinnut pitsanngorsaanerit Danmarkimi aqutsisut toqqammavissaanni ilanngunneqarsimallutik.
Lars Løkke Rasmussenillu naalakkersuisorisimasaata aamma nunat avannarliit pillugit toqqammavissamut ilanngusseqataapput.