Aalisarneq
Uummannami tunisineq pitsaanerulersoq
Avannaa Seafood ApS sapaatip akunnerata naanerani qaleralileriffi aamini misiliilluni tunisassiornissaa ilimagineqarpoq
Uummannap eqqaani aalisartut nuannaarput.
Aalisakkerivik nutaaq piffissap sivikitsup ingerlanerani ammassasoq ilimagineqarpoq, taannalu qaleralinnik aalisakkanillu allanik tunitsiviussaaq. Sapaatip akunnerata uuma naanerani tunisassiornermik misileraalluni ingerlatsinissap kingorna tunisassiorneq aallartikkiartorneqalissaaq.
Atuaruk: Royal Greenland aalisartunit unammillerneqartoq
Najugaqartut piginnittut
Suliffeqarfik tunisassiorfimmik piginnittuullunilu ingerlatsisoq Avannaa Seafood ApS-inik ateqarpoq, 17-inillu piginnittoqarluni, taakkunannga amerlanerpaat aalisartuupput piffimmeersut, tunisassiorfimmullu tunioraasussat.
Atuaruk: Ingerlatseqatigiiffiit arfinillit avaleraasartoorniarnissamut makitaapput
– Piginnittut aalisartullu allat tunitsivik tunitsivinnaaralugu atorluassagaat naatsorsuutigaarput. Tunisassiorfiup piffimmi tunisinermi akit eqqortuunerat qulakkiissavaa. Tassa aalisartut tunitsivik ikorfartussagaat, taamaalilluni akit kiilumut 14 koruunit ataannut appaqqunagit, akillu akimi qaffasissumi naapertuuttumiiginnarnissaat qulakkeerneqassasoq, Frans Heilmann piginneqataasoq oqarpoq.
Suliniut pillugu Sermitsiami paasisaqarnerugit