inuunerup aallartiffia
Ukiut 4 milliardit matuma siorna Nunatsinni uumassuseqartoqartoq ilisimatuut uppernarsarpaat
Australiamiut ilisimatuut paasisaat, Minik Rosingip ilisimatusarneranut tapersiipput
Australiami universitetit pingasut misissuinerisa nutaap, ilisimatuussutsikkut atuagassiami Naturemi saqqummersinneqartup, maanna nunarsuatsinni - Isuani Nuup eqqaani - siusissorujussuakkut inuuneqalersimassangatsitsineq tunngavilersorpaa.
Atuagassiaq Ingeniøren taama allaaserisaqarpoq.
Atuaruk: Minik: Nunarsuaq annaanniassanngilarput
Ukiut 3,8 milliardit
Nunatta ilisimatuuisa pikkorissortaata, Minik Rosingip Københavns Universitetimeersup, 1999-imi ilisimatuussutsikkut atuagassiami Sciencemi oqaluttuaraa, qaqqami Isuata eqqaani 3,8 milliardinik pisoqaassusilimmi uumassuseqartoqarsimaneranik takussutissanik nassaarsimalluni.
Minik Rosingip nassaarsiaa ilisimatuut akornanni assortuussutaasarsimavoq, maannalu Australiami universitetineersunit tallimanit taperserneqarpoq. Taakku ilisimatuut tappiorannartunik uumassusilinnik qaqqami ujaranngornikunik nassaarsimapput.
Tamatumalu Minik Rosingip ukiut 17-it matuma siorna erseqqissaanera taperserpaa.
Atuaruk: Minik Rosing dronningimi