tuttunniarneq
Tuttunniarnerup isornartorsiorneqarnera soqutigineqanngitsoq
Ukiaanerani tuttunniarnerup sumiiffinni assigiinngitsuni pisarineqarsinnaasut amerlineqarneranni piniartunit aalajageeqataaffigineqarpoq
Aalisarnermut Piniarnermullu Naalakkersuisoqarfik ukiuunerani 2017-imi tuttunniarneq pillugu WWF-imiit isornartorsiorneqareerluni imatut oqaaseqaateqarniarpoq.
- Tuttut Nunatsinniittunut isumalluutaapput, ukiukkullu pisarineqassappata, taava isumalluutimit iluaqutigisinnaagaluakkagut pinngitsuussavagut, pinngortitaq pillugu nunarsuaq tamakkerlugu suliniaqatigiiffimmeersoq, Kaare Winter Hansen KNR-imut taama oqarpoq.
Aalisarnermut Piniarnermullu Naalakkersuisoqarfimmiik Hans Enokseni tusagassiuutinut nalunaarummini nassuiaatigaa Ukiuunerani tuttunniarneq piniarfinni pineqartuni tamani piffissami killilikkami ingerlassaaq tassalu 18. februaarimiit 2017-imi 10. martsi ilanngullugu tassa sapaatip akunneri pingasut. Aalajangerneq tusarniaanermit maj/juni 2016-imi allaanerusoq.
Atuaruk: Piffissaq kingulleq atorlugu ukiaanerani tuttunniartarneq allanngortinneqarpoq
Piniarnermut Naalakkersuisoq nutaaq aalajangerpoq Piniarfimmi “Akia-Maniitsoq”-mi ukiuunerani killilikkamik tuttunniartoqassasoq tassanilu tuttutassiissutit 150-iullutik. Tamanna politikkikkut aalajangiineruvoq NAPP-miit qinnuteqaammi KNAPK-mit taperserneqartumi tunngaveqartumik nalileeqqinnermi. Ilutigalugu Piniarfik 4-mi (Ameralik) aamma Piniarfik 5-imi (Qeqertarsuatsiaat) tuttutassiissutit 100-imiit 150-inut qaffanneqarput. Naalakkersuisoqarfik taama paasissutiivoq erseqqissaallunilu:
- Aalajangerneq piniarneq aallaaniarnerlu inatsisip § 2-ni piniartut ilisimasaannik aalajangiiniarnermi ilanngussisussaanermik tunngaveqarpoq.