Piniarneq
Piffissaq kingulleq atorlugu ukiaanerani tuttunniartarneq allanngortinneqarpoq
Nuup Maniitsullu akornanni tuttunniartoqarsinnaalerpoq, piffik siornatigut tuttunniarfigeqqusaanngikkaluarpoq.
Nutarterneqarpoq: Namminersornerullutik Oqatussat ullumi nalunaaqutaq 18:15 tusagassiuutinut nalunaaruteqarput
Inuussutissarsiutigalugu tuttunniartartut februarip 18.-ni piniarsinnaalissapput.
Tutunniarfigisinnaasaallu ilaneqarput tassa Nuup kangerluani aamma tuttunniarsinnaatitaalerput.
Atuaruk: Sapaatip-akunnerata tulliani ukiuunerani aavarnermut makitsineq
Juullinngitsiartoq nalunaarutigineqartumit amerlanerusunik tuttunniarsinnaapput.
Kommuneqarfik Sermersuup tusagassiuutinut nalunaarutaa Namminersorlutik Oqartussat tallimanngormat tusagassiuutinut nalunaarutaalu ataatsimut taama oqariartuuteqarput, soorlu siornatigut nalunaarutigisimasaat decembarip 15-neersoq aamma taamaattoq.
Juullinngitsiartoq nalunaarutigineqaraluarpoq Akia-Maniitsumi piniartoqassanngitsoq. Maannalu tusagassiuutinut nalunaarutit malillugit piffimmi akuersissutinik aamma qinnuteqartoqarsinnaalerpoq. Akia-Maniitsumi katillugit 150-nik pisaqartoqarsinnaavoq.
Piffissaq kingulleq atorlugu allannguineq
Nalunaarummi siullermi piffinni Ameralik aamma Qeqertarsuatsiaat 100-nik pisaqarsinnaangaluarput maannalu piffiit tamarmik immikkut 150-nik pisaqartoqarsinnaalerpoq.
Namminersornerullutik Oqartussat Kommuneqarfik Sermersuullu tusagassiuutinut nalunaarutaat maleruaqqusanik nutaanik imaqarpoq.
Nalunaarummi allannguisimaneq pillugu nassuiaasoqanngilaq.