atukkat pitsaanerusut
Tasiilami aqquserngit iluarsaanneqassaput
Suliassaq naammassippat ukiuni tulliuttuni qulini annertunerusumik asflatilerisoqartarnissaa, Kommuneqarfik Sermersuumi naatsorsuutigineqanngilaq
Tasiilami aqquserngit asfaltilersorneqarsimasut ukiuni kingullerni amerlasuuni ajorluinnarput. Tunumilu tassani illoqarfimmi ujaraaqqanik aqqusineqarpoq.
Maannakkulli aqquserngit pitsaanerulissapput.
Tassami Kommuneqarfik Sermersuup illoqarfimmi aqquserngit tamaasa iluarsaanniarlugit kissaatigaa. Suliamik aningaasaliissutissat siuartinneqarput, Tasiilami aqquserngit sinneri ukiormanna iluarsaanneqarniassammata.
Atuaruk: Aalisakkanik tunisassiorfik 700 millionilik unitsikkallarneqartoq
Immikkut aningaasaliissutit
Tasiilami asfaltilersuinermut tamarmut missingersuutit 16,5 millionit koruuninngussasut, Sermersooq ilisimatitsivoq.
Missingersuutini 6 millionit koruunit immikkoortinneqareersimapput. 2017-imut missingersuutini 6,5 millionit koruunit suliassap siuartinneqarneranut immikkoortinneqareersimapput aamma 4 millionit koruunit immikkut aningaasaliissutigineqarput.
Suliassaq naammassippat ukiuni tulliuttuni arfineq-pingasuni, qulini annertunerusumik asflatilerisoqartarnissaa Kommuneqarfik Sermersuumi naatsorsuutigineqanngilaq.
Atuaruk: Tasiilami meeqqat pillugit isumaginninnermut suliat 500 sinneqartut