sumiginnaaneq

Tasiilami meeqqat pillugit isumaginninnermut suliat 500 sinneqartut

Illoqarfimmi isumaginninnermut sulisut annertuumik suliamik nammataqartut, taamaalillunilu inatsisitigut isumannaatsuuneq qaangerneqartoq, nalunaarusiap nutaap takutippaa

Isumaginninnermut Naalakkersuisoqarfiup nakkutiginninnermut nalunaarusiaa, Tasiilami meeqqanut inuusuttunullu isumaginninnikkut suliaqarfiup ajorneranik ersersitsivoq.

KNR taama ilisimatitsivoq.

Qaleriaartorpassuit
Nalunaarusiaq naapertorlugu, Kommuneqarfik Sermersuumi najukkami sulisut pingasuusut suliassarpassuit 520-t suliassaraat.

Atuaruk: Atuartut inersimasunut aalakoortunut akerliussutsimik takutitsisut

Suliassat qaleriaartut kinguneraat, nalunaarutiginninnerit soorlu sumiginnaanermut tunngasut qisuariarfigineqarneq ajornerat, aammalu suliat qaammatini aalajangersimasuni ingerlanneqarsimanngikkaangamik matuneqartarnerat.

Atugassarititaasut naleqqutinngitsut
KNR naapertorlugu, 'sulisumut ataatsimut suliat amerlanerujussuat isumaginnittoqar­fimmi sulinermi atugassarititaasut eqqarsaatigalugit naammaginanngilluinnartoq', nalunaarusiami allaaserineqarpoq. Suliassallu amerlammata, sulisut inuttut suliamullu pikkorissusaat eqqarsaatigigaanni, taakkuninnga naammassinninnissaat ajornartoq.

Inatsisitigut isumannaatsuuneq
Nakkutilliisut aamma nalilerpaat, pissutsit innuttaasut inatsisitigut isumannaatsuunerannik nukillaartitsisut aammalu Meeqqat Innarluutillillu pillugit FN-imi isumaqatigiissutit tunngavigalugit meeqqat pisinnaatitaaffii tassuuna innarlerneqartut nakkutilliisut naliliipput.

Atuaruk: Tasiilami qimarnguik

Powered by Labrador CMS