Qaasuitsup Kommunia
Sullissinermut ambassadørit 13-it nutaat
Qaasuitsup Kommuniata sullissinermut ambassadørit 13-it ullumi tallimanngornermi pikkorissartereerlugit allagartartaartippai. Sullissinermut ambassadørinngortut kommuunimi suleqatitik sullissinermut siunissami pikkorissartittalissavaat
Assimi takuneqarsinnaapput Maja Motzfeldt-Haahr TUC-management-imeersoq, sullissivimmi pisortaq Helle H. Petersen, sulisoqarnermi immikkoortortaqarfimmi ineriartortitsinermi siunnersorti Heidi Møller, meeqqerisunut siunnersorti Maren A. Clasen, ilaqutariit illuanni aqutsisoq Louise H. Samuelsen, ingerlatsinermi akisussaasoq Amos Pjettursson, peqqinnissamut ikiorti Laila G Andersen, meeqqerivimmi pisortaq Bolethe Lukassen, pitsaaliuinermi siunnersorti Dorannguaq E. Nielsen, controlleri Vera Mølgaard, ingerlatsinermi akisussaasoq Ane Marie Jørgensen, sunngiffimmi pisortaq Jakob Ludvigsen, Qaasuitsup Kommuniani pisortaaneq Hans Eriksen, katersugaasivimmi pisortaq Linda G. Ostermann, Borgmester Ole Dorph aamma fuldmægtigi Helga Zeeb
Qaasuitsup kommunia
Sullissinermut ambassadørinngortut 13-it pikkorissarnertik sapaatip akunnera kingullermi naammassigaat, Qaasuitsup Kommuniata tusagassiuutinut nalunaarummi ilisimatitsissutigaa.
Taakku kommuunip immikkoortortoqarfiinit illoqarfiinillu tamanit aggerfeqarput, allagartartaartut assiginngitsunik atorfeqarput, ilaat utoqqaat illuanni peqqinnissamut ikiortitut atorfeqartoq pikkorissaasunngortut ilaat ingerlatsinermi akisussaasutut atorfeqarmata.
Atuaruk: Pitsaanerusumik sullissisalerniartoq
Suleqatiminnik pikkorissaasut
Sullissinermut ambassadørinngortut ilinniartinneqarnertik naggaserlugu Qaasuitsup Kommuniani suleqatimik 2200 missaaniittut ilaat Ilulissani sulisut 55-it sullissinermut sisamanngornermi tallimanngornermilu pikkorissarpaat.
- Pikkorissaanermik taama isikkulimmik ingerlatsinermik kommunip anguniarpaa, immikkoortortani ataasiakkaani innuttaasunik sullissinerup pitsanngorsarneqarnissaanik, ineriartornermik piginneqataalersitsisasoq, maligaasatut kikkut tamat oqartussaanerannik aqqutissiuilluni kommunip sinneranut siaruassasoq, Qaasuitsup Kommuniani borgmesteri Ole Dorph oqarpoq.
Sullissinermut ambassadørinik pikkorissaaneq Ilulissani ulluni 30. januarimiit 2016-imiit 5. februar 2016 ilanngullugu ingerlanneqarpoq TUC Management-imiit Maja Motzfeldt-Haarh pikkorissaasoralugu.
