Qaasuitsup Kommunia
Pitsaanerusumik sullissisalerniartoq
Qaasuitsup Kommuniata innuttaasunut sullissinini pitsanngorsarniarpaa
Qaasuitsup Kommuniata innuttaasunut aamma kommunimi suleqatinut tunngatillugu sullissineq pitsanngorsarniarpaa.
Ambassadørit
Taamaattumik Nunatsinni kommunip isorartunersaata sullissinermut ambassadøritut taasani 12-it, Qaasuitsup Kommuniani illoqarfinnit arfineq-pingasunit aggerfeqartut, maanna sullissilluarnissamut ilinniartillugit pikkorissartileruttorpaat, kommuni ilisimatitsivoq.
Sullissinermut ambassadørinngortussat pikkorissartinneqareerunik suleqatiminnut pikkorissaasalissapput.
Ilulissat
Sullissinermut ambassadørinik pikkorissaaneq Ilulissani ulluni 30. januarimiit 2016-imiit 5. februar 2016 ilanngullugu ingerlanneqarpoq TUC Management suleqatigalugu. Suliffeqarfiup ilaatigut Air Greenland, Tele-Post aamma A/S INI pikkorissaanernut uunga assigusunut ingerlatitsivigereernikuuaa.
Sullissinermut ambassadørinngortussat suleqatiminnut apriilimi aamma novembarimi pikkorissaanissaat pilersaarutaavoq, kingornalu ataavartumik pikkorissaasoqartarnissaa aamma naatsorsuutigineqarpoq.