suliffissaaleqineq
Suliffissarsiortut suli ikileriaqqittut
Suliffissaaleqineq oktobarimi siorna qaammammut tassunga sanilliullugu appasinnerusoq, Naatsorsueqqissaartarfimmit kisitsisit nutaat takutippaat
Inuit 2.475-it oktobarip qaammataani suliffissarsiortutut nalunaarsorneqarsimapput, taakkunannga nunaqarfinni 386-it. Tamanna siorna qaammammut tassunga sanilliullugu inuit suliffissarsiortut 374-inik ikileriarneruvoq.
Naatsorsueqqissaartarfimmit kisitsisit tamanna takutippaat.
Atuaruk: Angutit amerlanerusut sulilersimapput
Illoqarfinni ikileriartut
Illoqarfinni suliffissarsiortut 304-nik ikileriarsimapput, Naatsorsueqqissaartarfik ilisimatitsivoq.
Kommuninut suliffissaaleqinermik tunngaveqartumik ajornartorsiorlutik saaffiginnittut, suliffissarsiortut nalunaarsorneqartut kisinneqarnerisigut naatsorsorneqartarput. Inuk ataaseq qaammat tamakkerlugu imaluunniit ulloq ataasiinnaq nalunaarsorneqarsimappat, qaammat ataatsimi suliffissarsiortutut nalunaarsorneqartarpoq.
Assip ataani tabelimi illoqarfinni nunaqarfinniluunni pissutsit takukkit