Naatsorsueqqissaartarfik
Angutit amerlanerusut sulilersimapput
2015-imi kvartalip sisamaanniit 2016-imi kvartalit pingajuannut suliffissarsiortut, ukiup siuliani piffissamut tassunga sanilliullugu ikileriarsimapput
Piffissami 2015-imi kvartalit sisamaanniit 2016-imi kvartalit pingajuannut inuit suliffissarsiortutut qaammammi ataatsimi amerlanerusuniluunniit nalunaarsorneqarsimasut 8.080-iupput, ukiup siuliani piffissami tamatumani 8.911-usimallutik.
Tamanna takuneqarsinnaavoq Kalaallit Nunaanni Naatsorsueqqissartarfiup takussutissiaani kingullermi.
Angutit 500-t sinnillit sulilersimapput
Kvartalit sisamaanni angutit suliffissarsiortut ukiumut siulianut sanilliullugu ikilerarnerpaasimapput. Angutit suliffissarsiortut 592-inik ikileriarsimapput, tassa 4.867-iniit 4.275-inut ikileriarsimallutik.
Arnani suliffissarsiortut 4.044-niit 3.805-inut ikileriarsim,apput, tassa 239-inik ikileriarlutik.
Piffissami 2015-imi kvartallit sisamaanniit 2016-imi kvartalit pingajuannut sulifissarsiortut inuusunnerusut - 18-iniit 24-nut ukiullit - qaammatini 10-12-ini suliffissarsiortut 113-iusimapput, tassa 18-iniit 24-nut ukiullit 5,7 procentii.
Suliffissarsiortut 45-niit 59-inut ukiullit qaammatini 10-12-ini suliffissarsiorsimasut 388-iupput, tassa 45-niit 49-inut ukiullit 15,7 procentii.