Saliineq
Suka: Kangilinnguani saliisoqassaaq
Naalagaaffiup Kangilinnguani atorneqaqqilissappat saliineq isumagissagaa pinngortitamut avatangiisinullu naallakkersuisup piumasaraa
Kangilinnguani sakkutooqarfiusimasoq illersornissaqarfiup ministereqarfiup atoqqilissanersoq isumaliutersuuteqarfigigaa pingasunngormat KNR-ip oqaluttuaraa.
Taama isumaliuutersuuteqarneq Kalaallit Nunaanni oqartussanut ilisimatitsissutigineqarsimanngilaq.
Atuaruk: Kangilinnguit siunissaa oqaluuserineqaqqittoq
- Taamatut oqariartuuteqarneq tupaallaatigaara, naalakkersuisoq tusagassiuutinut nalunaarummi allappoq.
- Atorfilittakka Illersornissamut ministereqarfimmut saaffiginneqquakka avammut oqariartuuteqarneq sumut tunngassuteqarnersoq itisilertinniarlugu.
Atuaruk: Atsiornernik katersineq: Kangilinnguit attatiinnarlik
Saliisoqarnissaa akerleriissutigineqartoq
Kangilinnguani saliisoqarnissaanut qanoq iliortoqarnissaa Danmarkip Kalaallit Nunaatalu isumaqatigiinngissutigaat. Taamannalu kangilinnguit ammaqqinneqarnissaanut isumaliutersornerup isumaqatigiinnginnerup aaqqiiviginissaanik siunertaqartoq KNR-ip allaaseraa.
Taamaattoqassanngitsorli Suka K. Frederiksen (S) isumaqarpoq.
- Kangilinnguit ammaqqinneqarnissaat Danmarkip saliinissamut pisussaaffimminik qimarratiginninniarneranut tunngassuteqarsimappat, tamanna Kalaallit Nunaannit akuersaarneqarsinnaanngilaq.
Atuaruk: Suliariumannittussarsiuusseqqinnermi illut isaterneqarnissaat ilaavoq
Ataatsimiinnissaq taamaatiinnarneqartoq
Kangilinnguani avatangiisinik saliinissaq pillugu politikkikkut isumaqatigiissummut missingiut inaarutaasoq junimi naalakkersuisoqarfiup Illersornissamut ministereqarfimmut nassiussimagaa pinngortitamut avatangiisumullu naalakkersuisoq paasissutissiivoq.
- Kiisami tusagaqarpugut tamannalu tusagassiuutitigut nutaarsiassatigut pivoq, oqaatigineqarluni Illersornissamut ministereqarfik tassanngaannaq allarluinnarmik pilersaalereersimasoq, tamanna nunatsinniit akuersaarneqarsinnaanngilaq, Suka K. Frederiksen (S) oqarpoq.
Atorfilittanilu Illersornissamut ministereqarfik attaveqarfigeqquai nukingiussamik ataatsimiinnissaq piumasaralugu.