Kangilinnguit

Suliariumannittussarsiuusseqqinnermi illut isaterneqarnissaat ilaavoq

Kangilinnguanik suliariumannittussarsiuussinissaq nutaaq aamma ataatsimoortumik suliariumannittussarsiuussinerussaaq, suliariumannikkusuttut Kangilinnguani avatangiisinik saliineq illunillu isaterineq ataatsimut suliarissavaat. Illersornissamut ministeri taama ilisimatitsivoq

Admiralbolig, Grønnedal
Suliarinnittussarsiuussinerup nutaap kalaallit inatsisaat aamma EU-p malittarisassai malillugit pissaaq

Kujataani sakkutooqarfiusimasumi Kangilinnguani illut tigussallugit kissaatigineqarsimanngilaq.

Taamaattumillu Kangilinnguanik suliariumannittussarsiuussinissaq nutaaq aamma ataatsimoortumik suliariumannittussarsiuussinerussaaq, suliariumannikkusuttut Kangilinnguani avatangiisinik saliineq illunillu isaterineq ataatsimut suliarissavaat. Illersornissamut ministeri, Peter Christensen (V), sisamanngornermi Folketingip illersornissamut ataatsimiititaliaani Kangilinnguit siunissaat pillgu isumasioqatigiittoqareersoq taama ilisimatitsivoq.

KNR taama ilisimatitsivoq.

Isumasioqatigiinneq
- Isumasioqatigiinnermi tusaraluarlugu Kangilinnguani illut amerlasuunit soqutigineqartut, tamannalu saaffiginnissutigineqarnikuunngimmat avatangiisinik saliinissaq illunillu isaterinissaq ataatsimoortillugit suliariumannittussarsiuutissavagut. Taamaattumik Kangilinnguani illunik Kalaallit Nunaannit soqutiginnittut piaartumik saaffiginneqqussavakka, saaffiginnittoqanngippammi allanngortoqarunnanngilaq, Illersornissamut ministeri Peter Christensen KNR-imut oqarpoq.

Assit takukkit: Nunarput Kangilinnguit aqqutigalugu qorsuunerulersinneqarli

Atorunnaarsinneqartoq
Illersornissaqarfiup pingasunngormat Kangilinnguani suliarinnittussarsiuussineq atorunnaarsippaa. Qallunaat inatsisaat malillugit suliarinnittussarsiuussisoqarsimanera pissutigalugu tamanna pivoq - taanna kalaallit inatsisaat malillugit nassuiaaserneqartussaagaluarpoq.

Illersornissamut ministerip Peter Christensenip aamma KNR-imut ilisimatitsissutigaa, suliarinnittussarsiuussinerup nutaap kalaallit inatsisaat malillugit - aamma EU-p suliarinnittussarsiuussinermut malittarisassai malillugit pissasoq.

Powered by Labrador CMS