Simon Lyngemut juulli angukkuakkatulli ippoq

Ullumi kalaallit 1.500-init ikinnerunngitsut Danmarkimi najugaqalersimasut Vejlemiit nunatsinnut inuulluaqqusinerat immiunneqalerpat appisimaartussat ilagaat misigissuseqangaartunik talliorlunilu erinniortartoq Simon Lynge.
Soorlu juullimut inuulluaqqusinerit asasanut qanillisitsisartut, aamma juulli Simon Lyngemut taama isumaqarpoq, tassa ilaqutariit ataatsimuualaarnerat qanilaarnerallu.

- Ilaqutariit ataatsimoortarput suna tamaat puigorlugu peqatigeerujoorlutik. Københavnimi hotelip isaariaani naapikkatsigu oqaluttuarpoq.

Simonip meeraanermini juulli taama eqqaamavaa, taamatuttaaq aamma ukioq manna juullisiorniarpoq.

Ukiup ingerlanerani ulapaarnerit ataatsimuuleraangata tammartutullusooq ittarput, immitsinnut piffissaqarfiginerulersarpugut.

Nunarsuup angukkuagaanernik upperinninneq
Ukiuni kingullerni Simon Lynge angerlarsimaffimmini USA-miittumi nulianilu meeqqatillu marluk sisamanik aamma qulingiluanik ukiullitilagalugit juullisiortarpoq. Juulli pingaarnertut meeqqat tunngasuuvoq.

- Juulli meeqqanut anguakkuakkatulli ittarpoq , uangattaaq nammineq taamak isigaara. Takusinnaasarakku meeqqannut angukkuakkut ittoq. Taalliortoq oqaluttuarpoq, nammineq oqarnermisut takorluukkamut asannileqqavoq.

Nunarsuup inuunerullu angukkuakkuakkatut innerannik upperinninneq juullikkuni malugisarpara.
Asanninneq tassaavoq qissiaq nammineq uanga suliara.

Juulli inuppassuarnut aamma artornartaraluartoq Simonip qaqutigorujussuaq taamak misigisarpaa.

- Uannut pingaarnertut iluataffiuvoq, oqitsorsiorfik, asanniffik qanilaarfik , upperaara inuusugut tamaak pinngortitaasimasugut ulappunnermilli puigortaripput ulluinnarni.

Asanninneq qanilaarnerlu Simonimut tunissutiniit pingaarnerupput. Kisianni soorunalimi erneri aamma tunissutisisarput, kisiannili tunissutit immikkuullarissuusarput.

- Aningaasarpassuit atorlugit pinnguarpassuarnik tunigukkit tunniunnerani asanninera malugissajunnarsivaat, assiliarli angineq qiviaraanni asanninnerunngilaq. Nammineq qissiannik suliannik tunigukkit unannut tassa aatsaat asanninneq.

Nunatsinni Danmarkim aamma USA-MI juullip isumaa assiigiipput.

Simon Lynge isiginnittariasaanni asanninneq isumaqarpoq siunissamut takorluuineq, soorlu erinarsukkamini arlaleriarluni eqqartortaraa.

- Meeqqannut asanninnermik ingerlatitseqqinnera tassa nunarsuup siunissaanik eqqarsaatginninneq..

Ukiut kingulliit 13-it Simon Lynge USA-mi najugaqarsimavoq, tamannalu sioqqullugu Danmarkimi najugaqarsimalluni soorunalimi nunatsinni peroriartorluni. Taamaasilluni kulturit pingasut ullumikkut nalunngilluarpai.

Ileqqutoqqat soorunami assigiinngilaarput, pingaarnerpaartaali tamani taannaavoq tassa ilaquttat ilaginissaat

Ullumi Simon Lynge juullip pilluarnartuanik Vejlemi nipilersuleruni tunioraajumaarpoq.

Aamma atuaruk: Danmarkimi ukiumut pisartoq