umiarsuaateqarfik
Royal Arctic Linemi soraarsitsiortornissanik aarlerisaarisoq
Umiarsuaateqarfiup pisortaanerata Verner Hammekenip, suliffeqarfimmi soraarsitsiortornissaq itigartinngilaa
Nuummi talittarfimmi aningaasartuutit amerligaluttuinnarneri aamma umiarsuit nutaat pissutigalugit, Royal Arctic Linemi soraarsitsiortortoqarsinnaavoq.
Royal Arctic Linemi pisortaaneq, Verner Hammeken, Shippingwatch.dk-mut taama oqarpoq.
Soraarsitsiortortoqalersoq
- Soraarsitsisoqaqqinnginnissaanik sulisut neriorsuiffiginiarukkit salloqittassavakka, Verner Hammeken oqarpoq.
Naak Royal Arctic Line ukiup affaani siullermi sinneqartooraluartoq, taanna taamatut oqariartuuteqarpoq.
Vermer Hammekenilli soraarsitsinissat ukioq manna pinissaat ilimaginngilaa, danskillu tusagassiorfiannut aamma atorfiit qassit pineqarnersut oqaaseqarfigerusunngilaa.
Atuaruk: Royal Arctic Line millionilikkaanik sinneqartooruteqartoq
Suliffiit Nunatsinniiginnassasut
Taassumali qularnaveeqqutigaa, soraarsitsinerit Nunatsinni suliffiit peernerannik kinguneqassanngitsoq.
- Imaassinnaavoq suliffiit allamut nuunneqarsinnaasut. Sumut nuunneqarsinnaanerat allallu nassatarisaat oqaaseqarfigisinnaanngilarput, Verner Hammeken oqarpoq.
Atuaruk: RAL-ip sanaartukkat marluk tuniniarpai