anorersuaq
Røde Kors anorersuarmik eqqugaasunut 50.000-inik tunisivoq
Qaanaami ilaqutariit anorersuarmit sakkortuumik eqqugaasut maanna ikiuutinik annertunerulaartunik pissapput.
Kalaallit Røde Korsianni nuna tamakkerlugu siulersuisut Qaanaami ilaqutariinnut, sapaatip akunnerata siuliani anorersuarnerani piniutaarsertunut, aningaasanik ikiuinissallutik aalajangerput.
ATUARUK: Qaanaami anoraasuarsuaq: - Tupinnaqaaq
- Kikkut tamarmik Qaanaami piniartut eqqugaanerat attortissutigaat, KRK-llu aningaasanik tapersiineq ikiuutaajumaassasoq neriuppoq, Christina Tønder Bell, Kalaallit Røde Korsianni nuna tamakkerlugu siulittaasoQ oqarpoq.
KRK-p nunatsinnut aningaasaateqarfia ilaqutariinnut eqqorneqarnerpaanut katillugit 50.000 koruuninIk tunisisuuvoq.
ATUARUK: Piniartunut aalisartunullu aningaasanik katersuiniarneq
Aningaasat Qaasuitsup Kommuniata Qaanaami Innuttaasunut sullissivia, ilaqutaasunut toqqagaasunut agguaasussaq aqqutigalugu tunniunneqassapput.
Manna tikillugu taavani katersuiniaqatigiit eqqugaasunut ikiorsiissutissanik katersinermik ingerlatsipput.