akisussaaqataaneq
RAL-ip umiarsuai kalaallit erfalasuannik erfalasoqalissapput
Nunaqarfinnut pajuttaatit kalaallit erfalasuanik erfalasoqarlutik angalasalissapput. Tamanna umiarsuup naalagaannik ilinniartitsinissamut periarfissaqarnerulersitsissaaq.
Royal Arctic Linep nunaqarfinnut pajuttaataat siunissami kalaallit erfalasuannik erfalasulerlutik angalasalernissaat pilersaarutaavoq. Umiarsuaateqarfiup pisortaanera Verner Hammeken ShippingWatchimut oqaluttuarpoq.
Aamma atuaruk: RAL 2022-p tungaanut Aalborgimiissaaq
- Kalaallit umiarsuup naalaganngornissaannut ilinniakkamik pilersitseqataanissamut ikiuinissatsinnut inuiaqatigiinnut akisussaaqataanitsinnut kalaallit erfalasoqalernerup kingunerissavaa. Umiarsuit minnerusut, tassa 3000 aamma 500 bruttoton ataallugit annertussusillit. Umiarsuillu nunaqarfinnut pajuttaatit sisamat nutaat maanna sanaartukkagut tamatumunnga tunngatillugu pitsanngortinneqassapput, Verner Hammeken ShippingWatchimit apersorneqarnermini oqarpoq.
Nittartakkakkut nutaarsiassaqartitsivik naapertorlugu nunaqarfinnut pajuttaatit arfinillit pineqarput. Siullermik umiarsuit sisamat sanaartorneqartut erfalasoqalissapput. Kingusinnerusukkullu umiarsuit nuunaqarfiliartaatit pigineqalereersut marluk DIS-imik aaqqiissummit kalaallit erfalasuannik taarserneqassapput.