Nuuk
Raaja piffissalersuuserlutit qalipaajaruk
Royal Greenland qaammatip naalernerani Foodfestivalimut suli eqar it peqataasussat ilagaat
Saarullik qanoq tisanissaa ilinniaruk aamma raaja sukkanissat tamaat qalipaajaruk.
Meeqqat foodfestivalertinneqarnissaanut Mamartut-festivalimi neqeroorutit ilaat taama nipeqarput, taanna arfininngornermi septembarip 17-ani Katuami pissaaq. Meeqqat aamma suliatik nerisinnaassavaat, tassami taakku grillerneqassapput.
Royal Greenland peqataasoq
Royal Greenland suliffeqarfiit nerisassiornermik sammisaqartitsinermut peqataasut ilagaat. Tassa Mamartut-festivalimut aamma Foodfestivalimut, taakku sapaatip-akunnerata naanerani septembarip 23-anit 25-anut pissapput.
– Festivalernerit ullumikkumit ersarinnerunerulernissatsinnut peqataassapput, atuisullu tassuunakkut naapissavagut. Foodfestivalimilu aamma nioqqutissiarput nutaaq saarullik ’Nutaaq’ saqqumilaartissavarput, taanna Maniitsumi suliarineqartarpoq. Tassani misileraasitsisoqassaaq aamma aalisagaq pillugu qanorlu suliarineqartarneranik paasititsi- niaasoqassaaq, tuniniaasartoq Kaassannguaq Zeeb nassuiaavoq.
Atuaruk: Nuummi nerisassat pillugit meeqqanut festivali
Nutaaq
Saarullik Nutaaq tunisassiaq allaaneruvoq, aalisakkat inuunerisa naggataavini avatangiisini eqqissisimasuni immami mattullugit uumatinneqartarput, aalisakkallu annerpaamik akunnerit marluk qaangiutsinnagit imarmit qaqinneqarnerinit assammik tisaneqareerluni qeritinneqartarpoq. Taamatut tunisassiorneq nerpiup pitsaassusaanik qaffasitsitsisarpoq.
Sermersuup Inuussutissarsiornermik Siunnersuisoqatigiivi ukiut pingajussaannik taamatut aaqqissuussaqarput.
Suliffeqarfiit arlallit
Nutaatullu Peqqissutsimut naalakkersuisoqarfik peqataavoq, oqartussat suliffeqarfiit, paaqqinnittarfiit aamma peqatigiiffiit peqatigalugit immikkut ittumik meeqqanut festivalertitsinermut aaqqissuisuugamik, tassani nerisassiornermik nuannarisaqarneq peqqissuunerlu ukkanneqarput.
Sapaatip-akunnerata naanera tikillugu 23. – 25. septembarip tungaanut Foodfestivalip nalinginnaasup ingerlanneqarnerani, suliffeqarfiit programmimut ilanngunnissaminnut periarfissaqarput. Brugseni, Pisiffik aamma Hotel Hans Egede tassani assigiinngitsunik sammisaqartitsiniarlutik neqeroorsimapput, siunnersuisoqatigiit ilisimatitsipput.
Royal Greenlandip peqataanerata saniatigut aamma Sømandshjemmet, Nanoq Coffee, Greenland Foods aamma Maki Sea Weed, USK-imi foodfestivalimut peqataassapput.
Saqqummersitsineq annertooq
Atuarfik annertuumik saqqummersitsiffiussaaq, tassani suliffeqarfiit assigiinngitsut naapinneqarsinnaassapput, nerisassaataat misilinneqarsinnaallutik aamma suminngaanneernerat oqaloqatigiissutigineqarsinnaassalluni.
Ukioq mannalu nutaatut nerisassat saqqummersinneqartut alakkaasut pisiarisinnaassavaat – nerisassiornissaminnullu isumassarsianik angerlaassillutik.
Naatitsineq
Grøntsagit Arfininngornermi septembarip 24-ani ukiumoortumik kaagiliornermik unammineq pissaaq. Taassuma saniatigut peqqinneq aamma illoqarfimmi grøntsaginik naatitsineq pillugu sammisanik misissuisoqarsinnaavoq – tassani innuttaasut qanoq nammineq aallartissinnaanerlutik ilitsersuunneqarsinnaapput.
Tuttut Sapaammi septembarip 25-ani ulloq tuttunut tunngassaaq. Ulloq naallugu tuttut sammineqassapput. USK-imukarit tuttullu piniakkatut nerisassiatullu ilikkagaqarfigalugu, nerisassiat nutaat misilikkit, tuttulu nutaatut qanoq atorsinnaanerlugu isumassarsiannik angerlaassiffigiuk.
Kaagiliornermut ilitsersuut
Arfininngornermi septembarip 24-ani Foodfestivalertoqarnerani ukiumoortumik kaagiliullaqqinneqqusaattoqassaaq. Nersornaaserneqarnerup saniatigut ukioq manna angalanissamut gavekortimik 8.000 koruuninik nalilimmik pinnattoqarsinnaavoq, taanna Air Greenlandimit aningaasalerneqarpoq.
Kaagiliullaqqinneqqusaannermut peqataaniaraanni kaagiliaq assilineqassaaq, kaagiliallu allaatigineqarnera info@business.gl-imut nassiunneqassapput.
Peqataasullu tamarmik kaagiliatik nerrivimmut ilisassatut nassassavaat, alak- kaasullu taassuma kingorna ajugaasoq taoqqassavaat, Sermersuumi Inuussu- tissarsiornermut Siunnersuisoqatigiit ilisimatitsipput.
Nuummi pisut allat Tamanut Nuuk Ugeavisimi atuakkit