akunneq pujortarfiunngitsoq
Qitornat tapersersoruk pujortarfiunngitsumik inuuneqartillugu
- Oqaloqatigiittaritsi, sapaatip-akunnerani pujortarfiunngitsumi Naalakkersuisut taama oqariartuuteqarput
Sapaatip-akunnerani 22-imi pujortarfiunngitsumi inersimasut meeqqat inuusuttullu peqqissusaannut akisussaanerat malugeqquneqarpoq oqariartuutikkut: Oqaloqatigiittaritsi.
Tamatumunnga atatillugu sumiiffinni sammisaqartitsisoqartassaaq pujortalinnginnissaq pillugu.
Peqqissutsimut naalakkersuisoq, Doris Jakobsen (S) isumaqarpoq, inersimasuusut akisussaaffigigaat periarfissaralugulu qitornat peqqissumik pitsaasumillu inuuneqarnissaannut sunniuteqarnissaq, minnerunngitsumik tupa imigassaq aalakoornartoq allallu aanngajaarniutit eqqarsaatigalugit.
Atuaruk: Peqqinneq pillugu nalunaarusiami ilisimasat nutaat pissanganartut
Paasititsiniaaneq saqqummiuteqqikkaat
- Oqariartuutigut piuminartuupput iliuuseqarnissamullu tikkuussisuullutik. Qitornat piffissamik atueqatigiuk. Qitornat oqaloqatigiuk – tupa aalakoorniutillu pillugit. Qitornat tapersersoruk sunngiffimmi susassaqartittarlugu. Siunnersuutit malikkukkit, qitornat tapersersussavat inuusaatsimik peqqinnartumik atugaqarnissaanut, tusagassiuutinut nalunaarummi allappoq.
Tassunga atatillugu Peqqissutsimut Naalakkersuisoqarfiup suliarisimavaa ‘Inuusuttuuneq pakkutsigu’. Kommunini pinaveersaartitsinermut siunnersortit atortussanik oqallinnissanut atugassanik tujuuluaqqanik, allagartarsuarnik, allaffissanik arsanillu nassinneqarnikuupput.
Atuaruk: K. Jeremiassen: Maajussaarineq atorlugu pujortartarneq akiorneqarli