erhvervsudvikling
Qeqertarsuarmut ukiuunerani takornariat
Qaasuitsup Kommunia suleqataasut namminersortut peqatigalugit Qeqertarsuarmut sisorartar limmut qaqqamilu illuarartalimmut takornarianik kajungilersitsiniassaaq. Takornariat pillugit periaasissat nutaat marsimi piareerneqarnissaat naatsorsuutigineqarput
Qeqertarsuarmi sisorartartut majuartaatissaat Qeqertarsuarmi sisorartartut peqatigiiffianni DSP-mi ilaasortanut 30-nut tunissutaaginnanngilaq. Sisorartartunut majuartaat takornariartitsisarnissanik siunniussaqarnerit annertuumik suliniutaapput siulliit siunissami ungasinnerusumi illoqarfimmi piorsaanermik suliffissanillu pilersitsisussaasoq. Taamatut Qaasuitsup
Kommuniani Inuussutissarsiuteqarnermut Suliffeqarnermullu pisortaq Hans Peter Lennert sapaatit akunnerata matuma siuliani sisorartartunut majuartaammik suliniummi majuartaasiorneq, illiniliuutisineq aamma tamakkununnga atasunik pilersaarutisinerit 5,82 millioner koruuninngornissaat naatsorsuutigineqartoq paasineqarmat oqarpoq.
Atuaruk: Takornariarpassuit takkuttussanngortut
Suleqataasut namminersortut
Aningaasat 600.000 koruunit sisorartartunut majuartaatiliornissamut immikkoortinneqaqqaarsimasunit amerlanerungaatsiartut.
- Suleqataasut namminersortut suleqatigalugit sisorarnissamut, sakkortuumik sisorarnissamut aamma oqilaniutinik sisorarnissamut kiisalu qaqqami unnuinissamut periarfissartalimmik takornarianik Qeqertarsuarmut kajungilersitsisinnaasunik pilersitsinissaq pilersaarutaavoq. Aasaanerani pisuttuarnertalinnik Sermersuarmilu qimussernertalinnik sammisassaqartitsereerpugut, kisianni Qeqertarsuarmi innuttaasunut takornariartitsisartunullu nuannaarutaasumik ukiuunerani sisorartarnissat ineriartortissavavut, Hans Peter Lennert Qeqertarsuarmi najugaqartoq oqarpoq.
Qeqertarsuaq pillugu nutaarsiassat uani atuakkit
Allaaserisaq Sermitsiami kingullermi atuarneqarsinnaavoq. Uani pisiariuk: