Qeqertarsuarmi qaleralinniarneq ingerlalluarpoq

Qaammatini makkunani Qeqertarsuarmi qaleralippassuarnik tunisisoqartarpoq.

Royal Greenland ilisimatitsivoq, maannamut qalerallit tonsit 30-it 40-illu akornanni annertussusillit tunineqareerput, siorna taamaalinerani tonsit qulit missaaniittut tunineqartut.

Tamanna Qeqertarsuarmi Royal Greenlandip tunisassiorfiani sulisut qulit sivisunerusumik sulisalernerannik nassataqarpoq.

Atuaruk: Aalisakkat saattuallu 14,5 tonsit Qeqertarsuarmi igittariaqarsimapput

Sulisut amerlanerulissasut
Sapaatip akunneratalu tulliani saattuanik tunisineq aallartissaaq.

Tamannalu isumaqarpoq, avannaani illoqarfimmi tassani sulisut qulinik ilaneqassasut.

Tamanna nutaarsiassarsiatsialaagaluartoq suliffeqarfissuaq ilisimatitsivoq, suannik tunisineq siornarnit annikinnerusoq.

Kinguneqartitsissanngitsoq
- Illoqarfimmi aalisartut 60-it affaasa missingi kisimik maannamut suanniarnissamut akuersissummik pissarsinikuummata nipisat suaannik tunisineq maannamut annikinneruneruvoq, Qeqertarsuarmi tunisassiorfimmi pisortaq Emil Mølgaard RG.gl-mut oqaluttuarpoq.

Taannali aamma oqarpoq suannik tunisinerup annikinnerunera sulisut sulinerisa annikillineqarnerannik nassataqanngitsoq.

Ingerlatsivimmi Qeqertarsuarmiittumi saattuarniarneq aprilip aallaqqaataani ammarneqarpoq. Aalisariulli saattuarniartoq kujasinnerusumi saattuarniarluni aalisarnikuulluni aalisariut ippassaq Qeqertarsuup eqqaani saattuarniarluini aallarpoq.

Atuaruk: Saattuaqassuseq pitsanngoriaateqartoq