Kalaallit Peqqissartut Illuat
Politikeri inuusuttoq: Akileraarutip qaffanneqarnissaa ima pinngitsoorneqarsinnaavoq
Suliffeqarfissuit akileraarutigisartagaannit procentimik ataatsimik aallernikkut akileraarummik qaffaaneq pinngitsoorneqarsinnavoq, Bentiaraq Ottosen Atassummeersoq oqarpoq
Peqqissutsimut naalakkersuisup Agathe Fontainip (IA) akileraarut qaffannissaa misissortinniarpaa, taamaalilluni napparsimasut Københavnimi peqqissartut ineqarnerminnut nerisaqarnerminnullu akiligassaqarujussuannginniassammata.
Sapaatip akunnerani kingullermi KNR-imut taama oqarpoq, tassani akileraarut procentimik ataatsimik marlunnilluunniit qaffannissaa misissorniarpaa.
Atuaruk: Napparsimasut angerlarsimaffiannit ataataasoq anisitaasoq
Suliffeqarfinnut akileraarut atorneqarli
Atassutip Inuusuttaanulli ilaasortaq Bentiaraq Ottosen akileraarutip qaffannissaanut akerliuvoq. Akileraarutip qaffanneqarnissaanut taarsiullugu, suliffeqarfinnut akileraarummit Agathe Fontain immikkoortitsinissaa kajumissaarutigaa.
- Akileraarut qaffanngikkaluarlugu suliffeqarfissuit akileraarutigisartagaasa 1 procentianik aallertoqarsinnaanera aqqutissatut annertut isigineqartariaqarpoq, naak inuiaqatigiit aningaasataanik aallinngikkaluarluni suliffeqarfissuit akileraarutaanik aallertoqarsinnaammat, Bentiaraq Ottosen erseqqissaavoq.
Atuaruk: Akuersissut: Peqqissartut illuanni akeqanngitsumik ineqateqarsinnaaneq nerisaqarsinnaanerlu
Kalaallit Peqqissartut Illuanni peqqissariartortut uninnganerminni Københavnimi pitsaanerpaamik atugaqartarfiaqartut, taassuma naqissuserpaa.
- Nakorsiartut peqqissarnerminni ilagineqartuaannartariaqarput. Ilaqutaasut nakorsiartut ineqatigisinnaasariaqarpaat, Bentiaraq Ottosen oqarpoq.