peqqinnissaq
Akuersissut: Peqqissartut illuanni akeqanngitsumik ineqateqarsinnaaneq nerisaqarsinnaanerlu
Ulorianartumik napparsimasunut ilaqutaasut Danmarkimi Peqqissartut Illuanni akeqanngitsumik najugaqarsinnaallutillu nerisaqarsinnaalissapput
Inatsisartunut ilaasortap Mimi Karlsen-p Inuit Ataqatigiit, Kalaallit Peqqissartut Illuanni, qanigisamik akeqanngitsumik ineqateqarsinnaaneq nerisaqarsinnaanerlu siunnersuutaa akuerineqartussanngorpoq.
Siunnersuut Inatsisartuni amerlanerussuteqartunit tapersersorneqarpoq.
Siunnersuut
- Inuit Ataqatigiit napparsisut atugaasa pitsanngorsaaffigineqarnissat uteriilluta anguniagarput kiisami iluatsippoq, tusagassiuutinut nalunaarummi Mimi Karlsen allappoq.
Ukiaq eqqartorneqarmat Naalakkersuisumit allaat 18 million koruuninik akeqarnissaannik oqalunneq eqqorsimanngilaq. Maannakkummi Naalakkersuisut 2 million koruunit atorlugit siunnersuut akuerisinnaaneralerpaat.
Siunnersuutip amerlanerussuteqartunit akuersissutigineqarnera Agathe Fontainimit aamma nuannaarutigineqarpoq.
Tusagaq tupannarsinnaasarpoq
- Ulorianartumik nappaammik tusarlerneqarneq, inuunerup naalerneratut tusarlerneqarnermut assersuunneqarsinnaavoq, naak qujanartumik qaangiisut amerliartoraluartut.
- Eqqarsaaterpassuit nalaanneqartarput, annakkusunneq piusarpoq, asasanut najuerusunnerujussuaq takkuttarpoq. Ernuttat, ernutaqqiutit, tassa inooqataarusunneq annertungaartoq takkuttarpoq.