Pilersuisoq
Pisiniarfinnut nutarsaanerujussuaq aallartiinnaqaaq
Nutarsaanissaq pilersaarutaareersoq aallartinneqarpoq. Pilersuisuilli pisiniarfii nuna tamakkerlugu 66-mmata pisiniarfinnut najoqqutassiaq nutaaq tamanut atuutsilernissaa piffissamik annertuumik atuissaaq
Sinerissami Pilersuisup pisiniarfiinik nutarterineq aallartilluarsimalerpoq
Pilersuisup pisiniarfiisa isikkuisa nutarterneqarneranni atortut nutaaliaasut qiimasunik qalipaatillit ikkussuunneqarput.
Nutarterineq kingulleq Nanortalimmi naammasseqqammerpoq taqqavani pisiniarfissuaq pisiniarfillu mikineq 2,5 mio. kronit missaannut nutarterneqaqqammermata.
Atuaruk: Niuertunngorniarlutik ilinniartut
Piffissamik atuissaaq
Nanortalimmi assassorlutik suliaqartut suliffeqarfiit saniatigut Nanortallup eqqaani nunaqarfinni niuertut, Nanortalimmi suleqatigut Sisimiunilu kiffartuussivimmeersut nutarterinermi ingerlanneqartumi ikiuupput.
Pilersuisullu pisiniarfii 66-it nunarput tamaat inissisimammata suliassaq ingerlaannaq naammassisinnaassanngilaq.
Pisiniarfinnik nutarterinerup piviusunngortikkiartornera maannamut tassa Nanortalimmi aammalu Kangerlussuarmi, Sarfannguani, Itillimi kiisalu Tasiilami pisiniarfeeqqami ingerlanneqareerpoq. Tullinnguuppoq Aasianni Pilersuisup pisiniarfiata januarimiit nutarternissaa taannalu pilersaarutit malillugit 1. februar 2017 naammassissaaq.
Atuaruk: KNI 101,2 millioninik sinneqartoorpoq